پیٹرول اور ڈیزل کی قیمتوں میں اضافہ کر دیا گیا
وزارتِ خزانہ نے پٹرولیم مصنوعات کی قیمتوں میں اضافے کا باضابطہ نوٹیفکیشن جاری کر دیا۔
جاری کردہ اعلامیے کے مطابق، پٹرول کی فی لیٹر قیمت میں 3 روپے 47 پیسے کا اضافہ کیا گیا ہے، جس کے بعد اس کی نئی قیمت 256 روپے 13 پیسے فی لیٹر ہو گئی ہے۔
اسی طرح، ہائی اسپیڈ ڈیزل کی قیمت میں 2 روپے 61 پیسے کا اضافہ کیا گیا ہے، جس کے بعد اس کی نئی قیمت 260 روپے 95 پیسے فی لیٹر مقرر کی گئی ہے۔
پٹرولیم مصنوعات کی قیمتوں میں اس رد و بدل کا فیصلہ عالمی منڈی میں خام تیل کی قیمتوں اور مقامی معاشی عوامل کو مدنظر رکھتے ہوئے کیا گیا ہے۔ وزارتِ خزانہ کے مطابق، آئندہ بھی عالمی مارکیٹ کے رحجان کے مطابق قیمتوں میں رد و بدل متوقع ہے۔
نئے نرخوں کا اطلاق آج رات 12 بجے سے ہوگا اور یہ اگلے 15 روز تک نافذ العمل رہیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
