یونان کشتی حادثہ؛ جاں بحق پاکستانیوں کی میتیں وطن واپس پہنچنا شروع

ویب ڈیسک

01st Jan, 2025. 03:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یونان کشتی حادثہ؛ جاں بحق پاکستانیوں کی میتیں وطن واپس پہنچنا شروع

کراچی: یونان کشتی حادثے میں جاں بحق ہونے والے پاکستانیوں کی میتیں وطن واپس پہنچنا شروع ہوگئیں۔

یونان کشتی حادثے میں جاں بحق ہونے والے پاکستانی تارکین وطن کی میتیں مرحلہ وار مختلف ایئر پورٹس پر پہنچائی جارہی ہیں۔

حاجی احمد کی میت پرواز نمبر کیو آر 0626 سے گزشتہ روز سیالکوٹ پہنچ گئی، جہاں سے لاش کو منڈی بہاوالدین آبائی قبرستان ڈفر میں نماز جنازہ کے بعد تدفین کردی گئی ہے۔

محمد عابد کی میت پرواز نمبر کیو آر 0626 سے سیالکوٹ ایئر پورٹ پہنچے گی، رحمان علی کی میت پرواز نمبر کیو آر 0626 سے یکم جنوری 2025 کو دوپہر 2 بجے سیالکوٹ ایئرپورٹ پہنچے گی۔

عرفان ارشد اور محمد عبداللہ کی میتیں 2 جنوری کو دن 1 بج کر 10 منٹ پر پرواز نمبر کیو آر0620 سے دوحہ سے لاہور ایئرپورٹ پہنچیں گی۔

جاں بحق پاکستانیوں کی میتیں یونان کے ایتھنز ایئرپورٹ سے پہلے دوحہ اور وہاں سے پاکستان کے مختلف ایئرپورٹس پرلائی جائیں گی۔

واضح رہے کہ یونان کشتی حادثے میں 80 سے زائد افراد ڈوب گئے تھے جن میں سے 35 کے قریب پاکستانی تاحال لاپتہ بتائے جاتے ہیں۔