جنوری کے 12 دن، کراچی میں ٹریفک حادثات کے نتیجے میں 28 افراد کی موت

ویب ڈیسک

12th Jan, 2025. 08:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنوری کے 12 دن، کراچی میں ٹریفک حادثات کے نتیجے میں 28 افراد کی موت

جنوری 2025 کے ابتدائی 12 دنوں میں شہر قائد کے مختلف علاقوں میں ٹریفک حادثات کے نتیجے میں 28 افراد جاں بحق ہو گئے جبکہ 272 افراد زخمی ہوئے ہیں۔ ہلاک ہونے والوں میں 5 بچے اور 4 خواتین بھی شامل ہیں۔

تفصیلات کے مطابق، ٹریفک حادثات کی بڑی تعداد پورٹ قاسم، ڈیفنس، کلفٹن، سائٹ ایریا اور دیگر علاقوں میں پیش آئی۔ ان حادثات میں 40 سالہ علی محمد عمر، 65 سالہ نامعلوم شخص، 35 سالہ نصیر، 40 سالہ نامعلوم شخص، اور 36 سالہ امجد سمیت کئی افراد شامل ہیں۔

دوسری جانب، شاہراہ فیصل، ائیرپورٹ، اور سپر ہائی وے جیسے مصروف مقامات پر بھی متعدد ہلاکتیں ہوئیں، جن میں 21 سالہ نازش، 16 سالہ نوجوان اور 5 سالہ بچہ رضوان شامل ہیں۔

مچھر کالونی اور بلدیہ کے مختلف علاقوں میں بھی ٹینکر کی ٹکر سے متعدد افراد کی ہلاکتیں رپورٹ ہوئیں، جن میں 44 سالہ جمیل اور 30 سالہ اکبر شامل ہیں۔

یہ سلسلہ صرف انسانی ہلاکتوں تک محدود نہیں رہا بلکہ بہت سے افراد زخمی بھی ہوئے ہیں جنہیں فوری طور پر ہسپتال منتقل کر دیا گیا۔

کراچی میں بڑھتے ہوئے ٹریفک حادثات سے شہریوں کی زندگیوں کو خطرات لاحق ہیں اور حکام کی جانب سے اس پر قابو پانے کے لیے اقدامات کی ضرورت شدت سے محسوس کی جا رہی ہے۔