پاک افغان سرحد پر فتنہ الخوارج کی دراندازی کی کوشش ناکام؛ 6 خارجی ہلاک

سلمان علی اعوان

23rd Jan, 2025. 05:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک افغان سرحد پر فتنہ الخوارج کی دراندازی کی کوشش ناکام؛ 6 خارجی ہلاک

راولپنڈی: سیکیورٹی فورسز نے پاک افغان سرحد پر فتنہ الخوارج کی دراندازی کی کوشش ناکام بنادی۔

پاک فوج کے شعبہ تعلقات عامہ (آئی ایس پی آر) کے مطابق 22 اور 23 جنوری کی درمیانی شب سیکیورٹی فورسز کو ژوب کے علاقے سمبازہ میں بین الاقوامی سرحد پر خارجی دہشت گردوں کی نقل و حرکت کا پتا چلا۔

آئی ایس پی آر نے بتایا کہ سیکیورٹی فورسز نے موثر کارروائی کرتے ہوئے فتنہ الخوارج کے دہشت گردوں کی در اندازی کو ناکام بنایا جب کہ سیکیورٹی فورسز کی کارروائی میں 6 خارجی دہشت گرد ہلاک ہوگئے۔

ترجمان پاک فوج نے کہا کہ سیکیورٹی فورسز کی کارروائی میں خارجی دہشت گردوں کے قبضے سے بڑے پیمانے پر اسلحہ اور بارودی مواد بھی برآمد ہوا۔

پاک فوج کے شعبہ تعلقات عامہ کا کہنا تھا کہ پاکستان عبوری افغان حکومت سے موثربارڈر مینجمنٹ نظام کا تقاضہ کرتا چلا آیا ہے، پاکستان توقع کرتا ہے کہ عبوری افغان حکومت اپنی ذمہ داریاں پوری کرے گی۔

آئی ایس پی آر نے مزید کہا کہ امید ہے کہ عبوری افغان حکومت پاکستان کے خلاف دہشت گردی کے لیے فتنہ اور خوارج کی جانب سے اپنی سرزمین کا استعمال روکے گی۔