سائبر کرائم ونگ کی کارروائی، شہباز گل اور معید پیرزادہ کے خلاف مقدمہ درج

ویب ڈیسک

14th Jan, 2025. 09:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائبر کرائم ونگ کی کارروائی، شہباز گل اور معید پیرزادہ کے خلاف مقدمہ درج

وفاقی تحقیقاتی ادارے (ایف آئی اے) کے سائبر کرائم ونگ نے پاکستان تحریک انصاف (پی ٹی آئی) کے رہنما ڈاکٹر شہباز گل اور سینئر صحافی ڈاکٹر معید پیرزادہ کے خلاف ریاست مخالف بیانیے اور جھوٹی خبروں کے پھیلاؤ کے الزام میں مقدمہ درج کرلیا۔

ذرائع کے مطابق مقدمہ پیکا ایکٹ 2016 کے سیکشن 9، 10 اور 11 کے تحت درج کیا گیا ہے۔

ایف آئی آر کے متن کے مطابق دونوں شخصیات نے سوشل میڈیا پر اپنی ویڈیوز کے ذریعے حکومتی عہدیداروں کے خلاف جھوٹی خبریں پھیلائیں اور عوام کو ریاستی اداروں کے خلاف اکسانے کی کوشش کی۔

ایف آئی آر میں مزید کہا گیا ہے کہ ڈاکٹر معید پیرزادہ نے ریاست مخالف بیانیہ تشکیل دیا، جب کہ ڈاکٹر شہباز گل پر ریاستی اداروں میں بغاوت پیدا کرنے کے الزامات عائد کیے گئے ہیں۔

ذرائع کے مطابق سائبر کرائم ونگ کی جانب سے مزید تحقیقات جاری ہیں اور دونوں شخصیات کے خلاف شواہد اکٹھے کیے جا رہے ہیں۔ حکام کا کہنا ہے کہ ریاست مخالف پروپیگنڈے میں ملوث افراد کے خلاف سخت قانونی کارروائی کی جائے گی۔