نئے ڈیزائن کے کرنسی نوٹ کب مارکیٹ میں آئیں گے، گورنر اسٹیٹ بینک نے بتا دیا

ویب ڈیسک

27th Jan, 2025. 05:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نئے ڈیزائن کے کرنسی نوٹ کب مارکیٹ میں آئیں گے، گورنر اسٹیٹ بینک نے بتا دیا

گورنر اسٹیٹ بینک جمیل احمد خان نے نئے کرنسی نوٹ کے مارکیٹ میں آنے کے حوالے سے بڑا اعلان کر دیا ہے۔

تفصیلات کے مطابق گورنر اسٹیٹ بینک جمیل احمد نے اعلان کیا ہے کہ 2025 میں پاکستان میں نئے ڈیزائن والے نوٹ جاری کیے جائیں گے۔

ان کا کہنا تھا کہ نئے نوٹ مرحلہ وار پرنٹ کیے جائیں گے اور مختلف مالیت کے نوٹ ایک ساتھ نہیں، بلکہ بتدریج جاری کیے جائیں گے۔

جمیل احمد نے مزید کہا کہ نئے نوٹ کو کابینہ کی منظوری کے لیے پیش کیا جائے گا اور اس سلسلے میں حتمی فیصلے کے بعد ہی نوٹ کی مالیت کا تعین کیا جائے گا۔

تاہم، انہوں نے اس بات کا اشارہ دیا کہ ابھی تک اس بات کی تصدیق نہیں کی جا سکی کہ کتنی مالیت کے نوٹ پہلی بار مارکیٹ میں آئیں گے۔

گورنر اسٹیٹ بینک نے بتایا کہ نئے ڈیزائن والے نوٹ کا مقصد پاکستان کے کرنسی نوٹوں کو جدید اور محفوظ بنانا ہے تاکہ نقل و حرکت کو کم کیا جا سکے اور کرنسی کی جعلی سازی میں کمی لائی جا سکے۔