مولانا فضل الرحمان نے پیکا ایکٹ میں صحافیوں کی تجاویز کی حمایت کردی

ویب ڈیسک

31st Jan, 2025. 05:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مولانا فضل الرحمان نے پیکا ایکٹ میں صحافیوں کی تجاویز کی حمایت کردی

گوجرانوالہ: سربراہ جے یو آئی مولانا فضل الرحمان نے پیکا ایکٹ میں صحافیوں کی تجاویز کی حمایت کردی ہے۔

جمعیت علمائے اسلام کے سربراہ مولانا فضل الرحمان نے گوجرانوالہ میں نیوز کانفرنس کرتے ہوئے کہا کہ ہم مذاکرات پر یقین رکھتے ہیں اور مذاکرات کے ذریعے سیاسی حل پر یقین رکھتا ہوں۔

مولانا فضل الرحمان نے کہا کہ متنازع پیکا ایکٹ پر صحافیوں کی تجاویز لی جائیں اور معقول تجاویز کو قبول کرکے ترمیم کے ذریعے حصہ بنایا جائے۔

سربراہ جے یو آئی کہتے ہیں کہ آصف زرداری کو پرانا جانتا ہوں، مذاکرات کرنا یا نہ کرنا ان کا اپنا معاملہ ہے جب کہ مذاکرات پر اپوزیشن کی دیگر جماعتوں کو اعتماد میں نہیں لیا گیا۔

انہوں نے بتایا کہ حکومت میں اتنی قوت نہیں کہ ایک دن بھی چل سکے، جو انہیں لائے ہیں وہ حکومت چلا رہے ہیں۔

مولانا فضل الرحمان نے مزید کہا کہ جس دن انہوں نے کندھا اٹھالیا تو اس دن حکومت نہیں ہوگی جب کہ کے پی میں حکومت کی رٹ ختم ہوچکی ہے اور مسلح گروہوں کا راج ہے۔