بانی پی ٹی آئی نے حکومتی مذاکرات ختم کرنے کا اعلان کر دیا

ویب ڈیسک

23rd Jan, 2025. 02:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی نے حکومتی مذاکرات ختم کرنے کا اعلان کر دیا

بانی پی ٹی آئی کی جانب سے حکومت سے جاری مذاکرات ختم کرنے کا اعلان کر دیا گیا ہے۔

پاکستان تحریک انصاف (پی ٹی آئی) کے چیئرمین بیرسٹر گوہر علی خان نے میڈیا سے گفتگو کرتے ہوئے کہا کہ بانی پی ٹی آئی نے آج جیل میں مذاکرات ختم کرنے کا اعلان کیا ہے۔

انہوں نے بتایا کہ حکومت کی جانب سے آج تک کمیشن نہیں بنایا گیا اس لئے بانی پی ٹی آئی نے مذاکرات ختم کرنے کا اعلان کیا۔

بیرسٹر گوہر نے کہا کہ بانی پی ٹی آئی نے کمیشن کا اعلان نہ کرنے پر مذاکرات کال آف کا کہا، پی ٹی آئی کی مذاکرات کی خواہش تھی، حکومت کی طرف سے تعاون نہ کرنے پر مذاکرات کال آف کیے۔

چیئرمین پی ٹی آئی کا کہنا تھا کہ کمیشن کا اعلان نہ ہونے کی صورت میں مذاکرات آگے نہیں بڑھ سکتے، تین ججز پر مشتمل کمیشن بننے کی صورت میں مذاکرات کیے جا سکتے ہیں۔

بیرسٹر گوہر نے مزید کہا کہ بانی پی ٹی آئی کا کہنا ہے کہ ہم آئین اور قانون کے تحت اپنی کوشش جاری رکھیں گے، بانی پی ٹی آئی کی ہدایت پر تمام اپوزیشن جماعتوں کے ساتھ مل کر جدوجہد کریں گے۔