کراچی میں آج حضرت علی رضی اللہُ تعالیٰ عنہُ کے یوم ولادت کے پیش نظر متعدد جلوس نکالے جائیں، جس کے باعث متعدد سڑکیں بند ہوں گی۔

ٹریفک پولیس حکام کے مطابق آج 14جنوری جلوس بسلسلہ ولادت حضرت علی کرم اللہ وجہہ غفور چیمبر صدر سے نکالا جائے گا، جلوس آج شام چار بجے نکلا جائے گا جو محفل شاہ خراساں پر اختتام پذیر ہوگا۔

جلوس کے باعث ایم اے جناح روڈ، تبت سینٹر سے گرومندر چوک اور اطراف کی سڑکیں سیکیورٹی وجوہات کی بناء پر بند رہیں گی جبکہ بہادر یار جنگ روڈ ٹریفک کے لئے کھلی رہے گی۔

حکام نے بتایا کہ گرومندر سے ٹاور جانے کیلئے سولجر بازار نمبر ایک سگنل کوسٹ گارڈ، انکل سریا سگنل کا راستہ اختیار کریں جبکہ شاہراہ قائدین سوسائٹی سگنل سے آگے ٹریفک کے لئے بند ہوگی اور سوسائٹی لائٹ سگنل سے ٹریفک کو دائیں جانب بھیجا جائے گا۔

اس کے علاوہ سوسائٹی لائٹ سگنل سے خداد کالونی برج والا راستہ ایمپریس مارکیٹ کی جانب کھلا رہے گا جبکہ فریسکو سے نمائش جانے کیلئے عیدگاہ چوک، دلپسند مٹھائی سے ٹریفک کو ڈاکخانہ سےجوبلی سے نشتر روڈ  یا تبت سینٹر سے ریگل چوک کا راستہ اختیار کرنا ہوگا، فوارہ چوک عبداللہ ہارون روڈ سے ٹریفک پیراڈائز سگنل سے پاسپورٹ آفس کیلئے اورایمپریس مارکیٹ کا راستہ اختیار کریں۔

ٹریفک پولیس نے مزید کہا کہ گارڈن باغیچہ سے آغا خان سوئم روڈ کی  ٹریفک کو انکل سریا سے  سےگل پلازہ اور تبت چوک کی جانب موڑ دیا جائے گا، تاہم عوام سے گزارش ہے کہ زحمت اور پریشانی سے بچنے کے لیے نیو ایم اے جناح روڈ صدر دواخانہ سے پی پی چورنگی کا راستہ اختیار کریں۔