وزیراعلیٰ مریم نواز شریف کی پنجاب میں کسان اور زراعت دوست پالیسیوں کے اثرات، یوریا کی فروخت میں 50 فی صد اضافہ ہوگیا ہے۔

پنجاب میں کھاد کے استعمال کے حوالے سے جائزہ رپورٹ پیش کی گئی ہے جس میں کھاد کے استعمال میں اضافہ کی تصدیق ہوئی ہے۔

جائزہ رپورٹ کے مطابق وزیراعلی پنجاب کسان کارڈ کی مدد سے کھاد اور کیڑے مار ادویات کی خریداری میں ریکارڈ اضافہ دیکھا گیا، 991  ہزار ٹن یوریا کی فروخت 57.9 فی صد اضافہ دکھا رہی ہے۔

جائزہ رپورٹ میں بتایا گیا کہ یوریا کی فروخت میں اضافہ پنجاب حکومت کی کسان کارڈ اسکیم کی وجہ سے ہوا، جبکہ دیگر نامیاتی کھادوں کی فروخت میں بھی 42.9 فی صد اضافہ ہوا۔

 جائزہ رپورٹ کے مطابق نائٹروجن 50.7، فاسفیٹ 9.3 اور پوٹاش 0.8 فی صد اضافہ دیکھنے میں آیا، جبکہ کھاد کی قیمتوں میں اس مدت کے دوران کمی دیکھی گئی۔

 جائزہ رپورٹ میں بتایا گیا کہ پنجاب میں گندم کی بوائی کی سیٹلائٹ کے ذریعے نگرانی بھی شروع کر دی گئی ہے، جبکہ ایک کروڑ 61 لاکھ گندم کی کاشت کے رقبے کی سیٹلائٹ کے ذریعے تصدیق کی جا رہی ہے، سیٹلائٹ سے لی جانے والی تصاویر کا گندم کی فصل پک کر تیارہونے پر تصاویر سے موازنہ کیا جائے گا۔

کارڈ حاصل کرنے والے چار لاکھ کاشتکار کسان کارڈ استعمال کرتے ہوئے کھاد، کیڑے مار ادویات سمیت اب تک 35 ارب روپے کی زرعی اشیاء خرید چکے ہیں، جبکہ پنجاب کے ساڑھے سات لاکھ کسانوں میں کسان کارڈ جاری ہونا ہیں۔

اب تک پنجاب کے پانچ لاکھ 30 ہزار کاشتکاروں کو کسان کارڈ جاری ہو چکے ہیں، کسان اور زراعت کی مدد کا یہ پنجاب کی تاریخ کا سب سے بڑا پروگرام ہے۔