اسلام آباد: پاکستان پیپلزپارٹی کی رہنما شیرین رحمان نے ہاکستان کی سفارتکاری کو بہتر بنانے کے لئے اہم مشورے دے دیے۔

پاکستان پیپلزپارٹی کی رہنما شیرین رحمان نے میڈیا سے گفتگو کرتے ہوئے کہا کہ پاکستان کو چاہیے کہ اپنی سفارتکاری میں جان ڈالے، بلاول بھٹو امریکی ایجنڈے کے ساتھ جاتے تھے جب کہ ہماری امریکہ سے اس وقت کوئی اسٹریٹجک پارٹنرشپ نہیں ہے۔

انہوں نے کہا کہ امریکہ پاکستان کا بہت بڑا تجارتی پارٹنر ہے، ہم انتظار میں رہتے ہیں کہ امریکہ کچھ کہے تو ہم کچھ کہیں جب کہ پاکستان کو اس وقت خطے میں اپنا تحفظ کرنا ہے، امریکہ اپنا نیا ایجنڈا لائے گا جس میں پاکستان ترجیح نہیں ہوگا۔

پیپلزپارٹی کی رہنما کا کہنا ہے کہ امریکہ کے ساتھ تجارتی اور سفارتی کوششیں ہونی چاہیے، امریکہ میں ٹھنڈ ہو تو ساری دنیا چھینک مارتی ہے۔ امریکہ اب بھی بہت بڑی پاور ہے، ساری دنیا دیکھ رہی ہے امریکہ کے نومنتخب صدر منتخب ہوجائیں گے۔

ان کا کہنا تھا کہ پی ٹی آئی والوں نے امریکہ میں بہت لابنگ کی ہوئی ہے، لابنگ کریں لیکن ریاست کے خلاف نہیں کریں۔ ممالک اور پارٹیز بھی لابنگ کرتی ہیں لیکن وہ تعمیری ہوتی ہیں۔

شیری رحمان نے یہ بھی کہا کہ امریکہ کو کیوں پاکستان میں اتنی دلچسپی ہوگی؟ سوشل میڈیا پر توڑ مروڑ کر باتیں لگائی جاتی ہیں اور ایسا نہیں ہونا چاہیے۔ امریکہ کے جسٹس سسٹم کو ہلانا بہت مشکل ہوتا ہے۔

پی پی رہنما مزید کہتی ہیں کہ عافیہ صدیقی کے ساتھ ناانصافی بھی ہوئی ہے اور وہ اس میں جکڑی ہوئی ہیں جب کہ معافی کا اختیار ہر ملک میں ہوتا ہے، اب یہ ان کی سوچ پرمنحصر ہے، ہمیشہ قومیں اپنا ایجنڈا سامنے رکھتی ہیں چاہے ان کی سنوائی نہ ہو۔