لاڑکانہ، سیپکو کا رینجرز اور پولیس کے ہمراہ غیر قانونی بجلی کنکشنز کے خلاف گرینڈ آپریشن

ویب ڈیسک

21st Jan, 2025. 10:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاڑکانہ، سیپکو کا رینجرز اور پولیس کے ہمراہ غیر قانونی بجلی کنکشنز کے خلاف گرینڈ آپریشن

بجلی کی تقسیم کار کمپنیوں میں قانون نافذ کرنے والے اداروں کے ونگز بننے کے بعد لاڑکانہ میں پہلا گرینڈ آپریشن شروع کر دیا گیا۔

سیپکو کے افسران نے رینجرز اور پولیس کی بھاری نفری کے ہمراہ شہر کے پوش علاقوں میں غیر قانونی کنکشنز کے خلاف کارروائی کی۔

سپرنٹنڈنٹ انجینئر سیپکو شاہ محمد باچکانی کے مطابق آپریشن شیخ زید سب ڈویژن کی حدود، پروفیسر کالونی ون اور ٹو میں کیا گیا، جہاں متعدد غیر قانونی بجلی کنکشنز منقطع کر دیے گئے۔

آپریشن کے دوران غیر قانونی “کنڈا” کنکشنز کے علاوہ نادہندگان کے کنکشن بھی کاٹ دیے گئے۔

حکومتی احکامات پر رینجرز، ایف آئی اے اور دیگر قانون نافذ کرنے والے ادارے سیپکو کی مدد کے لیے متحرک ہو چکے ہیں۔

ایس ای سیپکو نے کہا کہ لاڑکانہ کے تمام علاقوں میں یہ آپریشن مرحلہ وار جاری رکھا جائے گا تاکہ بجلی چوری کا خاتمہ کیا جا سکے اور صارفین کو بلا تعطل اور شفاف بجلی فراہم کی جا سکے۔

یہ آپریشن حکومت کے اس عزم کا حصہ ہے کہ بجلی کے نظام کو بہتر بنایا جائے، نقصان کو کم کیا جائے، اور صارفین کے مسائل کو حل کیا جائے۔

سیپکو حکام کے مطابق، قانون نافذ کرنے والے اداروں کی شمولیت سے اس مہم کو مزید مؤثر بنایا گیا ہے۔