امیر جماعت اسلامی کراچی منعم ظفر  نے کہا کہ ریڈ لائن بی آرٹی کراچی کے لوگوں کیلئے عذاب بن گئی ہے۔

امیر جماعت اسلامی کراچی منعم ظفر  نے پریس کانفرنس کرتے ہوئے کہا کہ سال 2024 میں 70 ہزار سے زائد جرائم کی وارداتیں ہوئی ہیں، جبکہ سڑکوں پر حادثات کے باعث کم از کم 800 افراد جاںبحق ہوگئے ہیں۔

منعم ظفر  نے کہا کہ اس تمام صورتحال کے بعد پیپلز پارٹی جو 16 سال سے یہاں مسلط ہے، اس نے تعلیم کے ساتھ کھلواڑ کیا ہے، جبکہ  جماعت اسلامی کا مکمل نظام موجود ہے جماعت کا ہر کارکن اعانت دیتا ہے۔

منعم ظفر نے کہا کہ گرین لائن کامنصوبہ بھی آج تک نامکمل ہے، کراچی کی سڑکیں ٹوٹ پھوٹ  کاشکار ہیں، گٹر بہہ رہے ہیں، میئر کراچی آپ فکر کیجئیے اپنے کردار کی جو آپ اس شہر میں ادا کررہے ہیں۔

امیر جماعت اسلامی کراچی منعم ظفر  نے پریس کانفرنس کرتے ہوئے  یہ بھی کہا کہ 2024میں اسرائیل نےغزہ اورلبنان پرجارحیت کی، 450  دنوں سے عرصے نسل کشی کا سلسلہ غزہ میں جاری ہے۔

منعم ظفر  نے کہا کہ جہاں مسلمانوں کا قبلہ اول ہے اس انبیا کی سرزمین کو تاراج کردیا گیا ہے، پہلے اسرائیل کا قیام ممکن بنایا یہودیوں کو لاکر بسایا گیا، یہودیوں کے ظلم کے باعث 46 ہزار سے زائد لوگ شہید ہوگئے ہیں جبکہ 1 لاکھ  زخمی ہیں۔

انہوں نے کہا کہ کیمپوں میں بھی لوگوں کو نہیں چھوڑا جارہا، ان حالات میں فلسطینی زندگی بسر کررہے ہیں، امت مسلمہ کو بیدار ہونا ہوگا، مسلم دنیا کے حکمرانوں کو سر جوڑ کر بیٹھنا ہوگا، او آئی سی کا جو حال ہے سب کے سامنے ہے۔

منعم ظفر نے کہا کہ فلسطین کی 25 لاکھ کی آبادی کیمپوں پر رہنے پر مجبورہے، فلسطینیوں کی نسل کشی امریکاکی سرپرستی میں ہورہی ہے۔

منعم ظفر کے مطابق جماعت اسلامی نے 12 جنوری کوسی ویوپر غزہ مارچ کا اعلان کیا ہے۔