پی آئی اے کی پہلی پرواز ساڑھے چار سال بعد پیرس پہنچ گئی

ویب ڈیسک

10th Jan, 2025. 10:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کی پہلی پرواز ساڑھے چار سال بعد پیرس پہنچ گئی

پاکستان انٹرنیشنل ایئرلائنز (پی آئی اے) کی ساڑھے چار سال کے وقفے کے بعد پیرس کے لیے پروازیں بحال ہو گئیں۔

پیرس کے چارلس ڈی گال ایئرپورٹ پر آج پہنچنے والی پہلی پرواز کا شاندار استقبال کیا گیا۔

ایئرپورٹ پر پی آئی اے کے عملے، سفارتی حکام، اور پاکستانی کمیونٹی کے افراد نے مسافروں کو خوش آمدید کہا اور انہیں پھولوں کے گلدستے پیش کیے۔

پی آئی کی پہلی پرواز پی کے 749 میں 320 مسافر سوار تھے۔

اس موقع پر پاکستانی کمیونٹی میں خوشی کی لہر دوڑ گئی، جنہوں نے قومی ایئرلائن کی یورپ کے لیے بحالی کو خوش آئند قرار دیا۔

پی آئی اے کی جانب سے پیرس کے لیے پروازوں کی بحالی سے پاکستانی مسافروں کو سفری سہولت میں بہتری کی امید ہے۔ حکام کے مطابق ایئرلائن کی بین الاقوامی سروسز کو مزید بہتر بنانے کے لیے بھی اقدامات کیے جا رہے ہیں۔