اسلام آباد: عالمی مالیاتی فنڈ (آئی ایم ایف) نے کیپٹو پاور پلانٹس کیلئے آر ایل این جی درآمدی لاگت پر فروخت کرنے کا مطالبہ کردیا ہے۔

ذرائع کے مطابق کیپٹو پاور پلانٹس کیلئے گیس قیمتوں میں 1100 روپے تک فی ایم ایم بی ٹی یو اضافے کی تجویز دی گئی ہے، تاہم آئی ایم ایف کی شرط پر رواں ماہ ہی کیپٹو پاور پلانٹس کیلئے گیس کی قیمتوں میں اضافہ ہو گا۔

ذرائع نے بتایا ہے کہ کیپٹو پاور پلانٹس کیلئے گیس قیمتوں میں اضافہ نہ کیا گیا تو اقتصادی جائزہ میں مشکلات کا سامنا ہو سکتا، کیپٹو پاور پلانٹس کیلئے فی ایم ایم بی ٹی گیس کی قیمت بڑھ کر 4 ہزار روپے سے زائد ہو سکتی۔

علاوہ ازیں آئی ایم ایف شرط پر کیپٹو پاور پلانٹس کیلئے جون میں بھی گیس مہنگی ہوئی، تاہم ایس این جی پی ایل اور ایس ایس جی سی ایل 1180 کیپٹو پاور پلانٹس کو گیس فراہم کر رہی ہے، کیپٹو پاور پلانٹس 242 مقامی اور 156 ایم ایم سی ایف ڈی درآمدی گیس استعمال کر رہے ہیں۔

ذرائع کا مزید کہنا ہے کہ آئی ایم ایف نے کیپٹو پاور پروڈیوسرز کو دی گئی مراعات واپس لینے کا مطالبہ کیا ہے، کیپٹو پاور پلانٹس کیلئے گیس قیمتوں میں اضافے کی رپورٹ آئی ایم ایف کو شیئر کی جائے گی۔