ایشیائی ترقیاتی بینک اور عالمی بینک کے تعاون سے 1.25 ارب ڈالر کے منصوبے تعطل کا شکار ہیں۔

دستاویزمیں انکشاف ہوا ہے کہ ملٹی لیٹرل اداروں سے فنانسنگ معاہدوں کو 5 برس تک گزرنے کے باوجود ساڑھے 9 کروڑ ڈالر کی فنانسنگ ہوئی، جبکہ اے ڈی بی سے 64 کروڑ ڈالر کا سینٹرل ایشیا ریجنل اکنامک کوآپریشن کوریڈور ڈویلپمنٹ انویسٹمنٹ پروگرام کا معاہدہ ہوا تھا۔

دستاویز کے مطابق 64  کروڑ ڈالر میں سے 8 کروڑ ڈالر موصول ہو سکے، جبکہ کسی منصوبے کی فزیکل پراگریس تسلی بخش نہیں، ایمرجنسی اسسٹنٹ پراجیکٹ کے لیے ایشیائی ترقیاتی بینک سے 15 کروڑ ڈالر کا معاہدہ 2022 میں سائن کیا گیا تھا۔

دستاویز اقتصادی امور کے مطابق اے ڈی بی کے ساتھ معاہدے کو 2 سال سے زائد گزرنے کے باوجود زیرو فزیکل پراگریس ہے، عالمی بینک کے ساتھ خیبرپاس اکنامک کوریڈور پراجیکٹ کے لیے 46 کروڑ ڈالر کا معاہدہ 2019 میں سائن کیا گیا تھا، 5  سال سے زائد عرصہ گزرنے کے باوجود فزیکل پراگریس 1 فیصد اور فناننشل پراگریس بھی 0 فیصد ہے۔

دستاویزمیں یہ بھی انکشاف ہوا کہ منصوبے کو 2026 تک مکمل ہونا ہے جس کے لیے ابھی تک صرف 28 لاکھ ڈالر موصول ہو سکیں ہیں، منصوبوں کو ٹائم لائن کے مطابق مکمل نہ کرنا اے ڈی بی اور عالمی بینک کے ساتھ معاہدوں  کی خلاف ورزی ہو گی۔