چیف آف آرمی اسٹاف جنرل سید عاصم منیر کی ایرانی چیف آف جنرل اسٹاف سے ملاقات

ویب ڈیسک

20th Jan, 2025. 09:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف آف آرمی اسٹاف جنرل سید عاصم منیر کی ایرانی چیف آف جنرل اسٹاف سے ملاقات

راولپنڈی میں چیف آف آرمی اسٹاف جنرل سید عاصم منیر سے ایران کے چیف آف جنرل اسٹاف میجر جنرل محمد باقری نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ایرانی چیف آف جنرل اسٹاف جنرل محمد باقری جی ایچ کیو پہنچے۔

جی ایچ کیو آمد پر ایرانی چیف کا گرم جوشی سے استقبال کیا گیا، پاک فوج کے چاک و چوبند دستے نے گارڈ آف آنر پیش کیا۔

آرمی چیف جنرل سید عاصم منیر اور ایرانی چیف آف جنرل اسٹاف کی ملاقات جی ایچ کیو راولپنڈی میں ہوئی۔

آئی ایس پی آر کے مطابق آرمی چیف اور ایران کے چیف آف جنرل اسٹاف کا باہمی دلچسپی کے امور اور علاقائی سلامتی کی صورتحال پر تبادلہ خیال ہوا۔

آرمی چیف اور ایرانی چیف آف جنرل اسٹاف نے دو طرفہ دفاعی تعاون کے امور پر بھی تبادلہ خیال کیا

آئی ایس پی آر کے مطابق ایرانی چیف نے یادگار شہدا پر حاضری دی اور شہدائے پاکستان کو خراج عقیدت پیش کیا۔