پاکستان کا چین میں زلزلے سے جانی نقصان پر دکھ اور افسوس کا اظہار

سلمان علی اعوان

07th Jan, 2025. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کا چین میں زلزلے سے جانی نقصان پر دکھ اور افسوس کا اظہار

اسلام آباد: پاکستان نے چین کے علاقے تبت میں زلزلے سے جانی نقصان پر دکھ اور افسوس کا اظہار کیا ہے۔

ترجمان دفتر خارجہ کی جانب سے جاری کردہ بیان میں کہا گیا ہے کہ ہماری ہمدردیاں اور نیک تمنائیں زخمی اور لاپتہ ہونے والے افراد کے ساتھ ہیں۔

پاکستان نے امدادی سرگرمیوں کے لئے چینی عوام اور حکومت کو مکمل تعاون کی یقین دہانی بھی کرائی اور جاری امدادی سرگرمیوں کے لئے نیک تمناؤں کا اظہار بھی کیا۔

واضح رہے کہ تبت اور نیپال کے ساتھ بھارتی ریاست بہار اور نئی دہلی میں بھی زلزلے کے جھٹکے محسوس کیے گئے جبکہ تبت میں زلزلے سے مختلف واقعات میں 53 افراد ہلاک اور 62 زخمی ہوئے۔

مزید پڑھیں: تبت اور نیپال میں 7.1 شدت کا زلزلہ؛ 53 افراد ہلاک، متعدد زخمی

چینی زلزلہ پیما مرکز نے بتایا کہ زلزلے کی گہرائی 10 کلو میٹر اور مرکز تبت کی ٹنگری کاونٹی تھا جبکہ زلزلے کے بعد متعدد آفٹر شاکس بھی ریکارڈ کیے گئے۔

میڈیا رپورٹس میں بتایا گیا کہ خوفناک زلزلے سے کئی عمارتیں بھی گر گئیں، تاہم ریسکیو کی جانب سے امدادی سرگرمیوں کا سلسلہ جاری ہے۔