سعودی عرب کی جیلوں میں قید پاکستانیوں کی تفصیلات سامنے آگئیں

علی شیر

15th Jan, 2025. 08:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کی جیلوں میں قید پاکستانیوں کی تفصیلات سامنے آگئیں

اسلام آباد: سعودی عرب کی جیلوں میں قید پاکستانیوں کی تفصیلات ایوان میں پیش کردی گئی ہے۔

وزارت خارجہ نے سعودی جیلوں میں قید پاکستانیوں کی تفصیلات ایوان میں پیش کی ہیں جس کے مطابق سعودی عرب کی مختلف جیلوں میں 10 ہزار 279 پاکستانی قید ہیں۔

وزارت خارجہ نے بتایا کہ ریاض کی مختلف شہروں میں 5 ہزار 341 پاکستانی قید ہیں، جدہ کی مختلف شہروں میں 4 ہزار 848 پاکستانی قید ہیں۔

وزارت خارجہ کا کہنا ہے کہ گذشتہ تین برسوں میں سعودی جیلوں میں قید 253 پاکستانیوں کو رہائی دلائی گئی جب کہ سعودی جیلوں سے 253 قیدیوں کو مخیر حضرات کے تعاون سے رہائی دلائی گئی ہے۔

دستاویز میں کہا گیا ہے کہ پاکستانی قیدیوں کو 18 مختلف جرائم میں ملوث ہونے پر جیلوں میں ڈالا گیا، پاکستانی قیدی بارڈر سیکیورٹی، منشیات، سائبر کرائم، منی لانڈرنگ، قتل اور اسمگلنگ جیسے سنگین جرائم میں ملوث ہیں۔

وزارت خارجہ نے مزید بتایا کہ 400 پاکستانیوں کو ملک واپس منتقل کرنے کے لیے تفصیلات کا سعودی حکام کے ساتھ تبادلہ کیا گیا ہے۔