تیل و گیس کے شعبے میں سرمایہ کاری کی راہ ہموار کرنے کیلیے حکومت کا اہم فیصلہ

ویب ڈیسک

17th Jan, 2025. 11:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تیل و گیس کے شعبے میں سرمایہ کاری کی راہ ہموار کرنے کیلیے حکومت کا اہم فیصلہ

وفاقی حکومت نے تیل و گیس کے شعبے میں اصلاحات کے تحت اہم اقدام اٹھاتے ہوئے سوئی سدرن اور سوئی نادرن کی اجارہ داری ختم کر دی۔

مشترکہ مفادات کونسل کے فیصلے پر ایک سال بعد عمل درآمد کرتے ہوئے پیداواری کمپنیوں کو 35 فیصد گیس تھرڈ پارٹی کو فروخت کرنے کا پابند بنا دیا گیا ہے، جس کا باضابطہ گزٹ نوٹیفکیشن بھی جاری کر دیا گیا۔

نوٹیفکیشن کے مطابق گیس کی تھرڈ پارٹی سیل سے ملک میں توانائی کے شعبے میں 5 ارب ڈالر کی سرمایہ کاری کی راہ ہموار ہوگی۔

اسپیشل انویسٹمنٹ فیسلیٹیشن کونسل (SIFC) کی کوششوں کے نتیجے میں پیٹرولیم پالیسی میں ترمیم کی گئی ہے، جس کے تحت پہلے سال 100 ملین کیوبک فٹ گیس تھرڈ پارٹی کے ذریعے فروخت کی جائے گی۔

مزید برآں، صوبوں میں موجود گیس کے ذخائر سے متعلق پیٹرولیم ڈویژن ایک جامع لائحہ عمل تیار کر کے اقتصادی رابطہ کمیٹی (ECNEC) میں پیش کرے گا، جبکہ اس پیش رفت پر ایک سال بعد دوبارہ رپورٹ پیش کی جائے گی۔

حکام کے مطابق نئی پالیسی کے نفاذ سے سستی گیس کی پیداوار میں اضافہ ہوگا اور زرمبادلہ کی نمایاں بچت ممکن ہوگی، جس سے معیشت کو استحکام ملے گا۔