وفاقی وزیراطلاعات عطاءاللہ تارڑ نے کہا کہ ترکیہ اور پاکستان کے دل آپس میں جڑے ہوئے ہیں۔

وفاقی وزیراطلاعات عطاءاللہ تارڑ نے پاک ترکیہ فرینڈ شپ ریڈیو میوزیم کی افتتاحی تقریب سے خطاب کرتے ہوئے کہا کہ پاک ترکیہ فرینڈ شپ ریڈیو میوزیم کا قیام اہمیت کا حامل ہے۔

عطاءاللہ تارڑ نے کہا کہ پاکستان اور ترکیہ کی دوستی کی طویل تاریخ ہے، ریڈیو پاکستان کے تاریخی پس منظر کو آنے والے وقتوں کے لیے محفوظ کر دیا ہے۔

وفاقی وزیراطلاعات نے کہا کہ پاکستانی ترکیہ کو اپنا دوسرا گھر سمجھتے ہیں، پاکستان اور ترکیہ کے تعلقات دہائیوں پر محیط ہیں، ہمیں آئندہ نسلوں کو پاکستان اور ترکیہ کے تعلقات سے آگاہ کرنے کی ضرورت ہے۔

عطاءاللہ تارڑ نے کہا کہ ہمیں آئندہ نسلوں کو پاکستان اور ترکیہ کے تعلقات سے آگاہ کرنے کی ضرورت ہے، پاکستان اور ترکیہ کے درمیان تعاون کو دوسرے شعبوں میں بھی بڑھانے کی ضرورت ہے،

 وزیراطلاعات کا یہ بھی کہنا تھا کہ میوزیم کے قیام کا مقصد آنے والی نسلوں کو پاکستان اور ترکیہ کے تعلقات کی اہمیت سے روشناس کرانا ہے، پاکستان کے نامور اداکاروں کی اکثریت نے اپنے کیریئر کا آغاز ریڈیو پاکستان سے کیا۔

عطاءاللہ تارڑعوامی آگاہی اور معلومات کی فراہمی کے حوالے سے ریڈیو کا پاکستان کا اہم کردار رہا ہے، پاکستانی قوم دنیا میں سب سے زیادہ فلاحی سرگرمیوں میں حصہ لیتی ہے، پاک ترکیہ فرینڈ شپ ریڈیو میوزیم دونوں ملکوں کے عوام کو مزید قریب لائے گا۔