مذاکرات کے نتائج چاہیے تو پی ٹی آئی سائیڈ شو بند کرے، خواجہ آصف

فہد چوہدری

14th Jan, 2025. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مذاکرات کے نتائج چاہیے تو پی ٹی آئی سائیڈ شو بند کرے، خواجہ آصف

اسلام آباد: وزیر دفاع خواجہ آصف نے پارلیمنٹ ہاؤس کے باہر میڈیا سے گفتگو میں کہا کہ اگر پی ٹی آئی کو مذاکرات کے نتائج چاہیے تو اپنے سائیڈ شو کو بند کریں۔

وزیر دفاع خواجہ آصف کا میڈیا سے گفتگو میں کہنا تھا کہ جو کچھ کل قومی اسمبلی میں کیا گیا وہ مذاکرات سے ان کی وابستگی اور نیت پر سوالیہ نشان ہے۔

انہوں نے کہا کہ اگر تحریک انصاف چاہتی ہے کہ مذاکرات میں سے کچھ نکلے تو اپنے سائیڈ شو بند کرے کیونکہ جب بھی مذاکرات ہوتے ہیں تو فریقین جارحیت بند کر دیتے ہیں۔

خواجہ آصف کہتے ہیں کہ انہوں نے جو زبان استعمال کی ہے اس سے عیاں ہے کہ مذاکرات صرف ایک سموک اسکرین ہے۔

ان کا کہنا تھا کہ بانی پی ٹی آئی کو حکومت نے کبھی ڈیل کی کوئی پیشکش نہیں کی جب کہ ہم ان کے ساتھ کوئی ڈیل نہیں کرسکتے کیونکہ فیصلے عدالتوں نے کرنے ہیں۔

وزیر دفاع کا کہنا ہے کہ تحریک انصاف کے رہنماؤں نے مختلف مواقع پر ایسی باتیں کی ہیں جس سے ثابت ہوتا ہے کہ یہ ڈیل چاہتے ہیں۔

انہوں نے بتایا کہ تحریک انصاف کے ساتھ پس پردہ کوئی بات چیت نہیں چل رہی، وزیراعلی کے پی کے اپنی سرکاری حیثیت میں کچھ روابط ضرور ہیں لیکن انہیں بھی بڑھا چڑھا کر پیش کیا جاتا ہے۔