مذاکرات صرف ڈرامہ ہے، تحریک انصاف مذاکرات نہیں چاہتی، فیصل کریم کنڈی

ویب ڈیسک

25th Jan, 2025. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مذاکرات صرف ڈرامہ ہے، تحریک انصاف مذاکرات نہیں چاہتی، فیصل کریم کنڈی

گورنر خیبرپختونخوا فیصل کریم کنڈی نے کہا کہ مذاکرات صرف ڈرامہ ہے، تحریک انصاف مذاکرات نہیں چاہتی۔

فیصل کریم کنڈی نے کہا کہ تحریک انصاف سنجیدہ نہیں ہے صرف این آر او چاہتی ہے، تحریک انصاف این آر او کے لیے ہر کسی کے پاؤں پڑ رہی ہے۔

انہوں نے کہا کہ وزیر اعلیٰ خیبرپختونخوا مولانا کو گالیاں دے رہا ہے اور چیئرمین پاؤں پڑ رہا ہے، تحریک انصاف پہلے دو رنگی چھوڑ دے پھر بات کرے۔

فیصل کریم کنڈی کا یہ بھی کہنا تھا کہ ہم تو دعا گو ہے کہ اسپیکر جو مذاکرات کر رہے ہیں کامیاب ہو، بانی پی ٹی آئی مولانا اور اچکزئی کے پیچھے ڈرامے کرتے تھے آج انہی کے پاؤں پڑ رہے ہیں۔

انہوں نے کہا کہ این آر او ملنے والا نہیں باقی عدالتیں آزاد ہے اور عدالتوں سے ہی انصاف ملے گا، اگر تحریک انصاف سمجھتی ہے کہ ان کے کرتوت ایسے نہیں تو ضمانت مل جائے گی ورنہ سزا ہو جائے گی۔

فیصل کریم کنڈی نے یہ بھی کہا کہ پیپلز پارٹی نے پیکا ایکٹ کو سپورٹ کیا ہے لیکن میڈیا کی آزادی کا حق بنتا ہے، ذمہ داری بنتی ہے کہ فیک نیوز نہیں ہونی چاہیے۔

انہوں نے مزید یہ بھی کہا کہ فیک نیوز سے سالوں سال کردار کشی کی جاتی ہے اور بعد میں کچھ بھی نہیں ہوتا پھر صرف ایک چھوٹی سی معذرت کی جاتی ہے۔