سال 2025 کی پہلی قومی پولیو مہم کامیابی سے مکمل

ویب ڈیسک

11th Feb, 2025. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سال 2025 کی پہلی قومی پولیو مہم کامیابی سے مکمل

اسلام آباد: سال 2025 کی پہلی قومی پولیو مہم کامیابی سے مکمل ہوگئی۔

نیشنل ای او سی کے مطابق قومی پولیو مہم 3 تا 9 فروری ملک بھر میں جاری رہی اور اس دوران مقررہ ہدف کے 99 فیصد بچوں کو پولیو ویکسین دی جاچکی ہے۔

نیشنل ای او سی نے بتایا کہ مہم کے دوران اب تک پنجاب میں 100 فیصد اور سندھ میں 101 فیصد بچوں کی ویکسینیشن مکمل کی گئی جب کہ خیبرپختونخوا میں 93 فیصد اور بلوچستان میں 100 فیصد بچوں کی ویکسینیشن مکمل کرلی گئی۔

انہوں نے یہ بھی بتایا کہ اسلام آباد میں 110 فیصد، آزاد کشمیر میں 98 فیصد اور گلگت بلتستان میں 97 فیصد بچوں کو پولیو سے بچاؤ کے قطرے پلائے جاچکے ہیں۔

وزیر اعظم کی فوکل پرسن برائے پولیو عائشہ رضا فاروق کہتی ہیں کہ کامیاب مہم کے انعقاد پر تمام اسٹیک ہولڈرز بشمول وزرائے اعلیٰ، سول انتظامیہ، قانون نافذ کرنے والے ادارے، بین الاقوامی ڈونرز اور پارٹنرز کا شکریہ ادا کرتے ہیں۔

انہوں نے کہا کہ پولیو مہم میں خدمات انجام دینے والے پولیو ورکرز اور سیکیورٹی اہلکار قوم کے ہیروز ہیں، ویکسینیشن سے محروم رہ جانے والے بچوں کی نشاندہی کے ساتھ ساتھ ان کی ویکسینیشن کو بھی یقینی بنایا جائے گا۔