کراچی میں قاتل ڈمپروں کو روکنے کے دعوے بے اثر، 18 گھنٹوں میں 7 افراد جانبحق

ویب ڈیسک

08th Feb, 2025. 10:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں قاتل ڈمپروں کو روکنے کے دعوے بے اثر، 18 گھنٹوں میں 7 افراد جانبحق

شہر میں ٹریفک حادثات کا سلسلہ بدستور جاری ہے، جہاں گزشتہ 18 گھنٹوں کے دوران مختلف حادثات میں 7 افراد جانبحق ہو گئے۔

پولیس اور حکومتی اداروں کی جانب سے قاتل ڈمپروں کو روکنے کے دعوے محض دعوے ہی ثابت ہوئے ہیں اور حادثات کا سلسلہ رک نہیں سکا۔

اسٹیل ٹاؤن موڑ پر ایک ڈمپر نے موٹر سائیکل سوار شہری کو کچل ڈالا، جس کے نتیجے میں وہ موقع پر ہی جانبحق ہو گیا۔ ناظم آباد بورڈ آفس کے قریب نامعلوم گاڑی کی ٹکر سے ایک اور موٹر سائیکل سوار شخص کی جان چلی گئی۔

اسی طرح کورنگی کی کراسنگ کے قریب ایک ڈمپر نے تین موٹر سائیکل سوار شہریوں کو کچل ڈالا، جن میں سے تینوں افراد جانبحق ہوئے۔

نادرن بائی پاس اٹک پمپ کے قریب مزاد ٹرک کی ٹکر سے بھی ایک موٹر سائیکل سوار شخص جان سے گیا، جبکہ سفورا چورنگی ملیر چیک پوسٹ کے قریب ایک اور نامعلوم گاڑی کی ٹکر سے ایک شہری جانبحق ہوا۔

کراچی میں رواں سال ٹریفک حادثات نے 98 خاندانوں کو اجاڑ دیا ہے، اور جنوری سے 8 فروری تک کے دوران 96 افراد جانبحق اور 1299 افراد زخمی ہوئے ہیں۔

ریسکیو حکام کے مطابق یہ حادثات شہریوں کی زندگیوں کے لیے سنگین خطرہ بن چکے ہیں، جبکہ شہر میں ٹریفک قوانین کی خلاف ورزیوں کے نتیجے میں حادثات میں اضافہ ہو رہا ہے۔