اسلام آباد: وفاقی وزیر منصوبہ بندی احسن اقبال کا کہنا ہے کہ ترقی کے لئے امن اور سیاسی استحکام کا ہونا ضروری ہے۔

وفاقی وزیر احسن نے اقبال نے کہا کہ ترقی کرنے والوں پالیسیوں کا تعین کرکے ان کے نتائج حاصل کرنے کے لیے ایک دھائی کا وقت دیا جب کہ ترقی کے لئے امن اور سیاسی استحکام کا ہونا ضروری ہے۔

انہوں نے کہا کہ ہمارے پڑوسی ممالک میں بھی حکومتوں کو اپنے مدت پوری کرنے کے سبب پالیسیوں کے تسلسل کا موقع ملا، حکومت بدلنے سے پالیسیاں بھی بدل جاتی ہیں امریکہ جیسے ملک میں بھی ایسا ہوتا نظر آرہا ہے۔

احسن اقبال کہتے ہیں کہ پاکستان ایشیا کا پہلا ملک تھا جس نے خلائی پروگرام شروع کیا، نواز شریف نے اپنے دور میں اڑان پاکستان جیسے پروگرام دیے لیکن ہر مرتبہ حکومت وقت سے پہلے ختم کردی گئی۔

ان کا کہنا تھا کہ آرمی پبلک اسکول پر حملے کے بعد دہشت گردی کے خلاف منصوبہ بنایا گیا اور تین برس میں دہشت گردی کو جڑ سے اکھاڑ پھینکا گیا، 2018 میں تیسرے اڑان پاکستان کا منصوبہ شروع ہوا تو نواز شریف کو بیٹے سے تنخواہ نہ لینے پر برطرف کردیا گیا۔

وفاقی وزیر نے بتایا کہ 2022 میں دوبارہ حکومت میں آئے تو خزانہ خالی تھا، ٹیکنیکلی ملک بینک کرپٹ تھا اور ہم نے سخت فیصلے کرکے ملک کو بحران سے نکالا جب کہ پاکستان کی عوام نے بھی قربانی دی۔

احسن اقبال مزید کہتے ہیں کہ پاکستان اب چوتھے اڑان پروگرام کے لئے تیار ہے، مہنگائی اور شرح سود میں کمی آرہی ہے جب کہ اسٹاک ایکسچینج میں تیزی ہے برآمدات بڑھ رہی ہیں۔