پاکستان میں مقیم افغان شہریوں کے حوالے سے اہم ہدایات جاری

فہد چوہدری

04th Feb, 2025. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں مقیم افغان شہریوں کے حوالے سے اہم ہدایات جاری

وزیراعظم شہباز شریف نے پاکستان میں مقیم افغان شہریوں کے حوالے سے اہم ہدایات جاری کر دیں۔

وزیراعظم شہباز شریف کی زیرِ صدارت پاکستان میں مقیم افغانیوں کی وطن واپسی کے حوالے سے جائزہ اجلاس ہوا۔

ذرائع کے مطابق وزیراعظم نے اجلاس میں ہدایت دیتے ہوئے کہا کہ وطن واپسی کے پہلے مرحلے میں غیر قانونی طور پر مقیم افغانیوں کو اسلام آباد اور راولپنڈی کی حدود سے باہر آباد کیا جائے، جبکہ دوسرے مرحلے میں پروف آف ریزیڈینس رکھنے والے افغان باشندوں کو جڑواں شہروں کی حدود سے نکالا جائے۔

اجلاس میں وزیراعظم نے کسی اور ملک جانے کی حامی بھرنے والے افغانیوں کو 31 مارچ سے قبل جڑواں شہروں سے نکالنے اور تیسرے ممالک جانے والے افغانیوں کی سیٹلمنٹ کے لیے وزارت خارجہ کو اقدامات اٹھانے کی بھی ہدایت دی۔

وزیراعظم نے وطن واپس جانے والے افغانی باشندوں کی پاکستان دوبارہ آمد کو ہر قیمت پر روکنے، ری لوکیشن منصوبے پر عملدرآمد کے دوران عوامی اعلانات نہ کرنے اور ری لوکیشن منصوبے پر عملدرآمد کے لئے انٹیلی جینس ایجنسیوں کو مانیٹرنگ کی بھی ہدایت کر دی۔