شمالی وزیرستان میں سیکیورٹی فورسز نے آپریشن کے دوران فتنہ الخوارج کے 6 خارجی دہشت گردوں کو جہنم واصل کر دیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے غلام خان کلی میں خفیہ اطلاعات کی بنیاد پر آپریشن کیا، جس کے دوران دہشت گردوں کے ٹھکانے کو نشانہ بنایا گیا۔ آپریشن کے نتیجے میں چھ خارجی دہشت گرد ہلاک ہو گئے۔
آئی ایس پی آر کا کہنا تھا کہ ہلاک ہونے والے دہشت گرد سیکیورٹی فورسز اور معصوم شہریوں کے خلاف مختلف کارروائیوں میں ملوث تھے۔ آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔
علاقے میں مزید ممکنہ خطرات کے خاتمے کے لیے کلیئرنس آپریشن جاری ہے۔
آئی ایس پی آر نے واضح کیا ہے کہ سیکیورٹی فورسز ملک سے دہشت گردی کے مکمل خاتمے کے لیے پرعزم ہیں اور دشمن عناصر کے خلاف کارروائیاں بلا تعطل جاری رہیں گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
