شمالی وزیرستان میں سیکیورٹی فورسز کا آپریشن، 6 خوارج ہلاک

ویب ڈیسک

28th Feb, 2025. 10:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی وزیرستان میں سیکیورٹی فورسز کا آپریشن، 6 خوارج ہلاک

شمالی وزیرستان میں سیکیورٹی فورسز نے آپریشن کے دوران فتنہ الخوارج کے 6 خارجی دہشت گردوں کو جہنم واصل کر دیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے غلام خان کلی میں خفیہ اطلاعات کی بنیاد پر آپریشن کیا، جس کے دوران دہشت گردوں کے ٹھکانے کو نشانہ بنایا گیا۔ آپریشن کے نتیجے میں چھ خارجی دہشت گرد ہلاک ہو گئے۔

آئی ایس پی آر کا کہنا تھا کہ ہلاک ہونے والے دہشت گرد سیکیورٹی فورسز اور معصوم شہریوں کے خلاف مختلف کارروائیوں میں ملوث تھے۔ آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔

علاقے میں مزید ممکنہ خطرات کے خاتمے کے لیے کلیئرنس آپریشن جاری ہے۔

آئی ایس پی آر نے واضح کیا ہے کہ سیکیورٹی فورسز ملک سے دہشت گردی کے مکمل خاتمے کے لیے پرعزم ہیں اور دشمن عناصر کے خلاف کارروائیاں بلا تعطل جاری رہیں گی۔