آرمی چیف کا دورہ بلوچستان، اندرونی اور بیرونی دشمنوں کو دو ٹوک وارننگ

سلمان علی اعوان

02nd Feb, 2025. 10:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف کا دورہ بلوچستان، اندرونی اور بیرونی دشمنوں کو دو ٹوک وارننگ

چیف آف آرمی اسٹاف جنرل سید عاصم منیر نے بلوچستان کا اہم ترین دورہ کیا، جس میں انہوں نے اندرونی اور بیرونی دشمنوں کو دو ٹوک وارننگ دیتے ہوئے واضح اور جاندار پیغام جاری کیا۔

دورے کے دوران آرمی چیف جنرل عاصم منیر نے زور دیتے ہوئے کہا کہ جو لوگ اپنے غیر ملکی آقاؤں کی پراکسی بنے ہوئے ہیں، اور منافقت کا لبادہ اوڑھے، شکاری کے ساتھ شکار کرنے اور خرگوش کے ساتھ دوڑنے میں مہارت رکھتے ہیں، ہم انہیں اچھی طرح پہچانتے ہیں۔

چیف آف آرمی اسٹاف نے کہا کہ پاکستان کی قابل فخر قوم اور مسلح افواج کی مشترکہ قوت سے ان دوست نما دشمنوں کو ہر صورت شکست دی جائے گی، انشاء اللّٰہ۔

ان کا مزید یہ بھی کہنا تھا کہ اپنی مادر وطن اور عوام کے دفاع کے لیے ہم یقینی طور پر ان ملک دشمنوں کو منہ توڑ جواب دیں گے اور ان دشمنوں کو شکار’ کریں گے چاہے یہ کہیں بھی چھپے ہوں۔

اس موقع پر آرمی چیف نے بلوچستان کے عوام کی سلامتی اور فلاح و بہبود کو یقینی بنانے کے لیے فوج کے عزم کا اعادہ بھی کیا۔

علاوہ ازیں چیف آف آرمی اسٹاف جنرل عاصم منیر نے خطے میں امن، استحکام اور ترقی کو فروغ دینے کی کوششوں میں صوبائی حکومت کی مکمل حمایت کے عزم پر بھی زور دیا۔