ڈی جی انٹرنیشنل اٹامک انرجی ایجنسی رافیل ماریانو گروسی کا پاکستان کا دورہ

ویب ڈیسک

06th Feb, 2025. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈی جی انٹرنیشنل اٹامک انرجی ایجنسی رافیل ماریانو گروسی کا پاکستان کا دورہ

انٹرنیشنل اٹامک انرجی ایجنسی (IAEA) کے ڈائریکٹر جنرل رافیل ماریانو گروسی اگلے ہفتے پاکستان کا دورہ کریں گے۔

دفتر خارجہ کے ترجمان نے اس بات کی تصدیق کرتے ہوئے کہا کہ گروسی کا یہ دورہ پاکستان اور IAEA کے درمیان دیرینہ تعاون کو مزید مستحکم کرنے کے لیے اہمیت کا حامل ہے۔

ترجمان کے مطابق، گروسی اپنے دورے کے دوران وزیراعظم پاکستان اور نائب وزیراعظم سے ملاقات کریں گے، جہاں دونوں ممالک کے درمیان جوہری توانائی اور اس کے پُرامن استعمال کے حوالے سے گفتگو کی جائے گی۔

ان کا دورہ پاکستان میں پاکستان نیوکلیئر ریگولیٹری اتھارٹی (PNRA) کے زیر اہتمام ہونے والے سیمینار میں شرکت کے علاوہ، چشمہ نیوکلیئر پاور جنریشن کمپلیکس کا بھی دورہ شامل ہے۔

پاکستان اور IAEA کے درمیان تعاون 1957 سے جاری ہے اور پاکستان اس وقت IAEA کے بورڈ آف گورنرز کا فعال رکن ہے۔ گروسی کا دورہ جوہری ٹیکنالوجی کے پُرامن استعمال پر بات چیت کرنے اور دونوں اداروں کے درمیان تعلقات کو مزید مستحکم کرنے کا موقع فراہم کرے گا۔