طالبات سے امتحانی فیس لے کر فرار ہونے والے شخص کی خودکشی کی کوشش

ویب ڈیسک

01st Feb, 2025. 04:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

طالبات سے امتحانی فیس لے کر فرار ہونے والے شخص کی خودکشی کی کوشش

کراچی: ناظم آباد میں واقع گورنمنٹ ڈگری کالج کی طالبات سے امتحانی فیس کی رقم لے کر فرار ہونے والے شخص نے خودکشی کی کوشش کی ہے۔

پولیس نے دعویٰ کیا ہے کہ کراچی کے علاقے ناظم آباد میں واقع گورنمنٹ ڈگری کالج کی طالبات سے امتحانی فیس کی رقم لے کر فرا ر ہونے کے واقعے میں ملوث محکمہ تعلیم کے ملازم نے گرفتاری کے خوف سے خودکشی کی کوشش کی ہے۔

پولیس کے مطابق کالج سپریٹنڈنٹ محمد نفیس کے خلاف گذشتہ روز خاتون پرنسپل کی مدعیت میں مقدمہ درج ہوا تھا، ملزم نے زہریلی دوا پی کر خودکشی کی کوشش کی جس کو تشویش ناک حالت میں عباسی شہید اسپتال منتقل کیا گیا۔

پولیس حکام نے بتایا کہ ملزم محمد نفیس عباسی شہید اسپتال کے آئی سی یو میں زیر علاج ہے جب کہ ملزم کو حفاظتی تحویل میں لے کر پولیس تعینات کردی گئی ہے۔

پولیس نے بتایا کہ صحت یاب ہونے پر ملزم سے تفتیش کی جائے گی، ملزم پر 81 طالبات سے امتحانی فیس کی مد میں لی گئی رقم 9 لاکھ دس ہزار روپے لے کر فرار ہونے کا الزام ہے۔

پولیس ذرائع نے مزید بتایا کہ طالبات کی امتحانی فیس خاتون پرنسپل نے ادا کرکے ایڈمٹ کارڈ جاری کروا دیے ہیں۔