فتنہ الخوارج کیخلاف کامیاب آپریشن پر وزیراعظم کا خراج تحسین
اسلام آباد: وزیراعظم محمد شہباز شریف کل سے آذربائیجان کا 2 روزہ سرکاری دورہ کریں گے۔
ترجمان دفتر خارجہ کے مطابق وزیراعظم شہباز شریف آذربائیجان کے صدر الہام علیوف کی دعوت پر دورہ کر رہے ہیں، ان کا مارچ 2024 میں عہدہ سنبھالنے کے بعد آذربائیجان کا دوسرا دورہ ہوگا۔
ترجمان نے بتایا کہ وزیراعظم کے وفد میں نائب وزیراعظم اسحاق ڈار اور کابینہ کے دیگر اہم اراکین شامل ہوں گے، اس موقع پر فریقین باہمی دلچسپی کے شعبوں پر وسیع پیمانے پر تبادلہ خیال کریں گے۔
علاوہ ازیں اس دوران بالخصوص توانائی، تجارت، دفاع، تعلیم اور موسمیاتی شعبوں میں دوطرفہ تعاون کو مزید مضبوط بنایا جائے گا، تعاون کے متعدد شعبوں میں کئی مفاہمت کے یادداشتوں و معاہدوں پر دستخط ہونے کی توقع ہے۔
دفتر خارجہ کے ترجمان کا مزید کہنا ہے کہ آذربائیجان پاکستان کے اہم اقتصادی اور سٹریٹیجک شراکت داروں میں سے ایک ہے، وزیراعظم آذربائیجان کی برآمدات اور سرمایہ کاری کے فروغ کے ادارے کے اشتراک سے بزنس فورم میں کلیدی خطاب بھی کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
