کراچی؛ قاتل ڈمپر نے کورنگی میں تین خاندان اجاڑ دیے

خرم گلزار

08th Feb, 2025. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی؛ قاتل ڈمپر نے کورنگی میں تین خاندان اجاڑ دیے

کراچی: شہر قائد کے علاقے کورنگی میں قاتل ڈمپر نے تین افراد کو کچل دیا۔

کراچی میں قاتل ڈمپروں کو روکنے والا کوئی نہیں جب کہ کورنگی کے علاقے میں قاتل ڈمپر نے تین خاندادنوں کو اجاڑ دیا ہے۔

شہر میں قاتل ڈمپروں، ٹرکوں اور بسوں سے حادثات میں روز بروز اضافہ ہوتا جارہا ہے جب کہ شہر میں رواں سال ٹریفک حادثات نے 96 خاندان اجاڑ دیے ہیں۔

ریسکیو حکام کے مطابق رواں سال جنوری سے 8 فروری تک 96 افراد جاں بحق اور 1299 افراد زخمی ہوئے، 24 گھنٹوں کے دوران ڈمپر کی زد میں آکر جاں بحق ہونے والے افراد کی تعداد چار ہوگئی ہے۔

آج صبح سویرے نادرن بائی پاس پر مزدا ٹرک کی زد میں آکر موٹرسائیکل سوار جاں بحق ہوا۔ کورنگی کراسنگ کے قریب رانگ سائڈ سے آنے والے ڈمپر نے موٹرسائیکل سوار تین نوجوانوں کو کچل دیا۔

گزشتہ سال 2024 میں 750 سے زائد افراد ٹریفک حادثات میں لقمہ اجل بنے تھے، شہر میں رواں سال ہونے والے خوفناک حادثات میں 71 مرد، 13 خواتین، 10 بچے اور 3 بچیاں شامل ہیں۔

ٹریفک حادثات میں جاں بحق و زخمی افراد کو عباسی شہید، جناح اور سول اسپتال منتقل کیا گیا ہے جب کہ ٹریفک حادثات میں جان بحق ہونے والوں کی زیادہ تر تعداد موٹر سائیکل سواروں کی ہے۔