اسلام آباد، پوائنٹ آف سیل اسکیم پر ان لینڈ ریونیو سروس افسران کے مزے

ویب ڈیسک

17th Feb, 2025. 08:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد، پوائنٹ آف سیل اسکیم پر ان لینڈ ریونیو سروس افسران کے مزے

ایف بی آر کی پوائنٹ آف سیل اسکیم کے تحت ان لینڈ ریونیو سروس (آئی آر ایس) کے افسران کو دسمبر 2023 سے دسمبر 2024 تک مجموعی طور پر 16 کروڑ روپے ہاوس رینٹ کی مد میں فراہم کیے گئے ہیں۔

دستاویزات کے مطابق، گریڈ 17 سے 19 تک کے آئی آر ایس افسران کو ہر ماہ 25 ہزار روپے ہاوس رینٹ کی سہولت دی گئی۔

پاکستان کسٹمز، آڈیٹرز، آئی ٹی اور دیگر افسران کو اس سہولت سے محروم رکھا گیا ہے، جس پر مختلف حلقوں میں سوالات اٹھائے جا رہے ہیں۔

مزید برآں آئی آر ایس افسران کو فیول سبسڈی کے تحت ایک سال کے دوران 14 کروڑ روپے فراہم کیے گئے، جس میں ہر افسر کو 20 ہزار روپے ماہانہ فیول سبسڈی دی گئی۔ یہ رقم ان کے تنخواہ والے اکاونٹس میں بینک ٹرانسفر کے ذریعے منتقل کی گئی۔

ایف بی آر کے ذرائع کا کہنا ہے کہ پوائنٹ آف سیل اسکیم کے تحت ہر رسید پر ایک روپیہ وصول کیا جاتا ہے، جس کا مقصد ٹیکس چوری کی روک تھام اور انعامی اسکیم کے ذریعے صارفین کو فائدہ پہنچانا تھا۔

تاہم حکومت نے انعامی اسکیم کو گزشتہ کئی مہینوں سے روک رکھا ہے، جس کے باعث یہ رقم صارفین کی طرف سے جمع کروائی گئی رسیدوں پر انعامی اسکیم میں استعمال نہیں ہو سکی۔