صدر مملکت اور چینی ہم منصب کے درمیان ملاقات، دو طرفہ تعلقات اور عالمی امور پر تبادلہ خیال

ویب ڈیسک

05th Feb, 2025. 07:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت اور چینی ہم منصب کے درمیان ملاقات، دو طرفہ تعلقات اور عالمی امور پر تبادلہ خیال

صدر مملکت آصف علی زرداری نے چین کے صدر شی جن پنگ سے ملاقات کی جس میں دوطرفہ تعلقات، مشترکہ دلچسپی کے علاقائی اور عالمی امور پر بات چیت کی گئی۔

دونوں رہنماؤں نے شراکت داری کے دائرہ کار کو مزید وسعت دینے کے مواقع پر تبادلہ خیال کیا اور اس عزم کا اعادہ کیا کہ دونوں ممالک ایک دوسرے کی بنیادی دلچسپی کے امور پر بھرپور حمایت جاری رکھیں گے۔

صدر آصف زرداری نے اس موقع پر دونوں ممالک کے درمیان منفرد، آزمودہ اور خصوصی تعلقات کو اجاگر کیا۔ انہوں نے کہا کہ چین کی مثالی ترقی اور خوشحالی چینی قیادت کے ویژن کی فعالیت کا مظہر ہے۔

صدر مملکت نے عالمی ترقی میں چین کے تعاون کو سراہا اور صدر شی جن پنگ کو خراج تحسین پیش کیا۔ دونوں رہنماؤں نے عوامی روابط اور ثقافتی تبادلوں کی ضرورت پر زور دیا، تاکہ دونوں ممالک کے درمیان تعلقات مزید مستحکم ہوں۔

ملاقات کے دوران صدر آصف زرداری نے صدر شی جن پنگ کو پاکستان کے دورے کی دعوت بھی دی، جسے چینی صدر نے خوشی سے قبول کیا۔ ملاقات کے اختتام پر صدر شی جن پنگ نے صدر آصف زرداری اور ان کے وفد کے اعزاز میں عشائیہ بھی دیا۔