پبلک اکاؤنٹس کمیٹی، 14 سالہ کارکردگی کی رپورٹ صرف بول نیوز پر

ویب ڈیسک

04th Feb, 2025. 08:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پبلک اکاؤنٹس کمیٹی، 14 سالہ کارکردگی کی رپورٹ صرف بول نیوز پر

پارلیمنٹ کی پبلک اکاؤنٹس کمیٹی نے اپنے 14 سالہ دور میں مجموعی طور پر 41 ہزار 700 آڈٹ اعتراضات اٹھائے، تاہم صرف 4986 آڈٹ اعتراضات کو نمٹایا جا سکا۔

دستاویزات کے مطابق، کمیٹی نے 13 ہزار سے زائد آڈٹ اعتراضات کا جائزہ لیا، لیکن 36 ہزار 718 اعتراضات پر ابھی تک فیصلہ ہونا باقی ہے۔

پاور ڈویژن کے 4197 آڈٹ اعتراضات میں سے 210 اعتراضات نمٹائے گئے، جبکہ پٹرولیم ڈویژن کے 3344 اعتراضات میں سے 802 اعتراضات کا فیصلہ کیا گیا۔

وزارت داخلہ کے 2949 اعتراضات میں سے 515، ایف بی آر کے 2359 اعتراضات میں سے 431 اور وزارت خزانہ کے 1692 آڈٹ پیراز میں سے 81 اعتراضات نمٹائے گئے ہیں۔

دوسری طرف وزارت آبی وسائل کے 1599 آڈٹ اعتراضات میں سے 234 اور دفاعی پیداوار کے 1577 آڈٹ اعتراضات میں سے 196 اعتراضات پر فیصلہ کیا گیا۔

پبلک اکاؤنٹس کمیٹی کی کارکردگی پر سوالات اٹھائے جا رہے ہیں کہ اتنے زیادہ آڈٹ اعتراضات کو نمٹانے میں کمیٹی کو اتنی دیر کیوں لگی۔

کمیٹی کی کارکردگی پر پارلیمنٹ میں بحث جاری ہے اور اس بات پر زور دیا جا رہا ہے کہ زیادہ سے زیادہ اعتراضات کو بروقت نمٹایا جائے تاکہ سرکاری محکموں کی مالی شفافیت اور احتساب کو یقینی بنایا جا سکے۔