ایک بار پھر مہاجروں کو پختونوں سے لڑانے کی سازش ہورہی ہے، فاروق ستار

ویب ڈیسک

16th Feb, 2025. 12:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایک بار پھر مہاجروں کو پختونوں سے لڑانے کی سازش ہورہی ہے، فاروق ستار
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

ایک بار پھر مہاجروں کو پختونوں سے لڑانے کی سازش ہورہی ہے، فاروق ستار

ایم کیوایم پاکستان کے سینئر رہنما ڈاکٹر فاروق ستار نے کہا کہ ایک بار پھر مہاجروں کو پختونوں سے لڑانے کی سازش ہورہی ہے، ماضی میں بھی مہاجروں اور پختونوں کو جان بوجھ کر لڑایا گیا تھا۔

ایم کیوایم پاکستان کے سینئر رہنما ڈاکٹر فاروق ستار نے پریس کانفرنس کرتے ہوئے کہا کہ لسانی فسادات کبھی بھی ایم کیو ایم کی پالیسی نہیں رہی، سندھ حکومت کا ظلم اور نا انصافی کا سلسلہ تاحال جاری ہے۔

فاروق ستار نے کہا کہ سندھ حکومت اقتدار کی آڑ میں بدعنوانی اور مجرمانہ غفلت کا مظاہرہ کررہی ہے، سندھ میں حکومت نام کی کوئی چیز نہیں ہے، بے رحمی کے ساتھ کراچی کے شہری ڈمپر مافیا کا شکار ہیں۔

انہوں نے کہا کہ ماضی میں بھی کراچی کی طلبا بشری زیدی کو بس نے کچلا تھا، اس واقعہ کے بعد کراچی کی سیاست میں تبدیلی آ گئی تھی۔

فاروق ستار نے یہ بھی کہا کہ اس وقت بھی کراچی کی یہی صورت حال ہے، ایک لاوا پک رہا ہے جو کسی بھی وقت پھٹ سکتا ہے، کراچی میں ڈمپر اور کنٹینر مافیا کو کھلی چھوٹ ملی ہوئی ہے، لوگوں کو پرامن رہنے کی تلقین کرتے ہیں۔

ان کا کہنا تھا کہ سندھ پر لوٹ مار کا بازار گرم ہے پیسہ ذاتی اکاؤنٹس میں جارہا ہے، ایم کیو ایم صبر کی تلقین نہ کرتی تو شہر میں آگ لگ چکی ہوتی، لوگوں پر امن رہنے کی تلقین کرتے ہیں ہم نے اب تک صبر کیا ہے۔