گورنر سندھ کا رمضان المبارک میں تاریخ کا سب سے بڑا دسترخوان لگانے کا اعلان

ویب ڈیسک

08th Feb, 2025. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر سندھ کا رمضان المبارک میں تاریخ کا سب سے بڑا دسترخوان لگانے کا اعلان

گورنر سندھ کا رمضان المبارک میں بڑا دسترخوان لگانے کا اعلان

کراچی: گورنر سندھ کامران ٹیسوری نے رمضان المبارک کے دوران تاریخ کا سب سے بڑا دسترخوان لگانے کا اعلان کردیا۔

گورنر سندھ کامران ٹیسوری نے گورنرہاؤس میں پریس کانفرنس کرتے ہوئے کہا کہ اتحاد رمضان کے تحت تاریخ کا سب سے بڑا دسترخوان لگائیں گے اور اتحاد رمضان کے تحت 10 لاکھ افراد افطار کریں گے۔

گورنرسندھ نے کہا کہ اتحاد رمضان میں شہداء کے اہلخانہ مہمان خصوصی ہوں گے جب کہ اتحاد رمضان کے تحت عمرے کے ٹکٹس، پلاٹس اور لیپ ٹاپس دیے جائیں گے۔

کامران ٹیسوری نے بتایا کہ کروڑوں روپے کے انعامات قرعہ اندازی کے ذریعے دیے جائیں گے اور تاریخ کا سب سے بڑا اسٹیج بنائیں گے۔

انہوں نے کہا کہ 15 ممالک سے قرأت اور نعت خوانی کے لئے مفتیان کرام آئیں گے جب کہ گورنر ہاؤس میں تراویح کا بھی خصوصی انتظام ہوگا۔

گورنر سندھ مزید کہتے ہیں کہ مدینہ منورہ سے عالم دین تراویح پڑھانے آئیں گے، صوبے کے لوگوں کو دعوت دیتا ہوں کہ وہ گورنر ہاؤس آکر افطار کریں۔