صدر مملکت کی چین کے وزیراعظم سےملاقات، دوطرفہ تعلقات کے فروغ پر تبادلہ خیال

ویب ڈیسک

06th Feb, 2025. 11:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کی چین کے وزیراعظم سےملاقات، دوطرفہ تعلقات کے فروغ پر تبادلہ خیال

صدرمملکت آصف زرداری نے چین کے وزیراعظم لی کیانگ سےملاقات کی، جس میں دوطرفہ تعلقات اورمختلف شعبوں میں تعاون کےفروغ پرتبادلہ خیال کیا گیا۔

ملاقات میں دونوں رہنماؤں نے اقتصادی راہداری کے دوسرے مرحلے پر بھی گفتگو کی اور قابل تجدیدتوانائی، سائنس اینڈٹیکنالوجی شعبوں میں تعاون، انفرااسٹرکچر، زرعی شعبوں میں تعاون کو وسعت دینے پر غور کیا۔

ملاقات میں نجی شعبےاور کاروباری برادری میں روابط کے فروغ پر بھی گفتگو ہوئی، جبکہ دونوں رہنماؤں نے پاک چین دوستی کو مزید مستحکم کرنے کے عزم کا اعادہ کیا۔

اس موقع پر صدرآصف زرداری نے کہا کہ ترقیاتی ایجنڈے کے لیے چین کی حمایت پر شکر گزار ہیں، جبکہ علاقائی روابط، اقتصادی ترقی کے لیے سی پیک اہمیت کاحامل ہے۔

ملاقات میں نائب وزیراعظم اسحاق ڈار، وزیراعلیٰ سندھ مرادعلی شاہ بھی موجود تھے۔