وزیراطلاعات پنجاب عظمی بخاری نے کہا کہ سہون میں وزیراعلی سندھ کے علاقے  میں ہونے والے حادثے کو وفاق پر مت ڈالا جائے، پچھلے 16 سال سے سندھ پر حکومت پیپلز پارٹی کی ہے مسلم لیگ ن کی نہیں۔

وزیراطلاعات پنجاب عظمیٰ بخاری نے سندھ حکومت کے ترجمانوں کے بے تحاشہ کے بیانات پر ردعمل دیتے ہوئے کہا کہ پنجاب حکومت کے 90 فیصد منصوبے اپنے فنڈ سے مکمل ہو رہے ہیں۔

عظمیٰ بخاری نے کہا کہ سندھ نے جو 956 ارب کا ترقیاتی بجٹ منظور کیا تھا اللہ کرے کہ وہ جلد از جلد لگ جائے، مالی سال ختم ہونے والا ہے ابھی تک وزیراعلی سندھ اپنے علاقے کی گلیاں اور سڑکیں اور ہائی وے نہیں بنا سکے۔

وزیراطلاعات پنجاب نے کہا کہ ڈمپرز روزانہ کی بنیاد پر کراچی کے شہریوں کو اڑا رہے کیا وہ بھی وفاق کا مسئلہ ہے؟ وفاق سے ہر سال معمول کے مطابق سندھ کو ان کے حصے کے فنڈز ملتے ہیں۔

عظمیٰ بخاری کا یہ بھی کہنا تھا کہ وفاق اور صوبوں کے معاملات میں چچا بھتیجی کے رشتے کا کیا تعلق اور اسکا حوالہ کیوں ؟ اگر سندھ ان اربوں روپے کے فنڈز سے بھی اپنی سڑکیں نہیں بناسکتا تو پھر آپکا اللہ حافظ۔

وزیراطلاعات پنجاب نے کہا کہ مریم نواز پنجاب میں اپنے صوبے کے وسائل سے درجنوں بڑی سڑکیں مکمل کرچکی ہیں، وزیراعلی سندھ اپنے نئے 100 ترجمانوں کو گراؤنڈ رائیلٹی پر بریفننگ بھی دیں۔

 عظمیٰ بخاری نے کہا کہ ان ناتجربہ کار ترجمانوں کو جو جھوٹی سچی پرچیاں دی جاتی وہ وہی بول دیتے، جب کارکردگی اور کام بولتے ہوں تو ترجمانوں کا لاؤ لشکر رکھنے کی ضرورت نہیں پڑتی۔

وزیراطلاعات پنجاب کا یہ مزید یہ بھی کہنا تھا کہ کارکردگی اچھی ہوتو کام بولتا جیسے مریم نواز کا کام بول رہا، مراد علی شاہ واحد وزیراعلی ہیں جنکو اپنے حلقے میں کام کروانے کے لیے بھی وفاق کی ضرورت پڑتی ہے۔