میئر کراچی بیرسٹر مرتضیٰ وہاب نے کہا کہ ترقیاتی کام اس شہر کے عوام کا بنیادی حق ہے۔

میئرکراچی بیرسٹر مرتضیٰ وہاب نے پریس کانفرنس کرتے ہوئے کہا کہ بلدیہ عظمیٰ کراچی کےمعاملات میں بہتری آئی ہے، ماضی کی انتظامیہ کہتی تھی وسائل نہیں ہیں، اختیارات نہیں ہیں، مسئلہ نیت کا تھا۔

بیرسٹر مرتضیٰ وہاب نے کہا کہ بلدیہ عظمیٰ کراچی کی آمدن میں300گنااضافہ ہواہے، ہمارےمثبت اقدامات کےاثرات سامنے آرہےہیں، ڈیڑھ سال بعدخود کوآپ کےسامنے پیش کررہاہوں، اینٹی انکروچمنٹ ڈپارٹمنٹ کی آمدنی میں بھی اضافہ ہواہے۔

میئرکراچی نے کہا کہ ہم نے15اگست سے 30 نومبرتک ایک ارب روپےآمدنی حاصل کی، یہ جو پیسے آئے 2018 سے 2020 میں بھی آسکتےتھے، وہی اختیارات وہی قانون ہیں، لینڈڈ پارٹمنٹ کی ریکوری بھی بہتر ہورہی ہے۔

بیرسٹر مرتضیٰ وہاب کا یہ بھی کہنا تھا کہ این یوسی ٹی کی مد میں سال بھر کی آمدنی 15 کروڑ کےایم سی اکاؤنٹ میں آتی تھی، یہ پیسے شہرکےعوام کی ملکیت ہیں جو ہمارے اکاؤنٹ میں منتقل ہوگئے، دسمبر اور جنوری کی آمدنی ملا کرایک ارب سے اوپر چلی جائے گی۔

میئرکراچی نے کہا کہ ہمارے وسائل پر بہت سارے ٹاؤنز قابض ہیں، ترقیاتی کام اس شہرکےعوام کابنیادی حق ہے، وعدے کی تکمیل کے لیے بلدیہ751اسکیموں پرکام کررہی ہے۔

مرتضیٰ وہاب نے کہا کہ 30 جون 2025تک 403 اسکیموں کو مکمل کرلیں گے، جون 2026 تک مزید 348 اسکیموں  کو مکمل کریں گے، بلدیہ عظمیٰ کراچی کی ملکیت کے ساتھ کس طرح زیادتی کی گئی۔

میئرکراچی نے مزید یہ بھی کہا کہ فیصلہ کیا ہے بڑی پراپرٹیز پر پبلک پرائیویٹ پارٹنر شپ کے تحت ڈیولپمنٹ کریں، جن کاذاتی مفاد ہو وہ قابض ہوکر بازار لگادیتے ہیں۔