پارٹیاں مفادات کے گرد گھومتی ہیں تو حال پی ٹی آئی جیسا ہوتا ہے، خواجہ آصف

ویب ڈیسک

12th Feb, 2025. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پارٹیاں مفادات کے گرد گھومتی ہیں تو حال پی ٹی آئی جیسا ہوتا ہے، خواجہ آصف
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

پارٹیاں مفادات کے گرد گھومتی ہیں تو حال پی ٹی آئی جیسا ہوتا ہے، خواجہ آصف

اسلام آباد: وزیر دفاع خواجہ آصف کا کہنا ہے کہ پارٹیاں مفادات کے گرد گھومتی ہیں تو حال پی ٹی آئی جیسا ہوتا ہے۔

وزیر دفاع خواجہ آصف نے پارلیمنٹ ہاؤس کے باہر میڈیا سے گفتگو کرتے ہوئے کہا کہ پی ٹی آئی کئی گروہوں میں تقسیم ہوچکی ہے جب کہ خیبر پختونخوا میں پی ٹی آئی کے تین چار گروہ ہیں اور قومی اسمبلی میں بھی پی ٹی آئی تقسیم کا شکار ہے۔

خواجہ آصف کا کہنا ہے کہ صوبائی حکومت جلسے کی ناکامی کے لئے کوششیں کرتی رہی، پی ٹی آئی کو صرف اقتدار کے لئے تعمیر کیا گیا اور اقتدار نہیں تو پی ٹی آئی تقسیم ہورہی ہے۔

ان کا کہنا تھا کہ جب پارٹیاں مفادات کے گرد گھومتی ہیں تو حال پی ٹی آئی جیسا ہوتا ہے۔ پاکستان کی فارن پالیسی مستحکم ہے اور سب سے تعلقات بڑھارہے ہیں۔

انہوں نے کہا کہ بنگلادیش سے تعلقات بہتری کی جانب گامزن ہیں جب کہ عرب ممالک سے بھی اچھے تعلقات ہیں۔ فلسطین کے بھائیوں کے لیے آواز بلند کرنا خارجہ پالیسی کا حصہ ہے۔

وزیر دفاع کہتے ہیں کہ چین ہمارا بڑا اتحادی ہے اور کسی ملک سے تعلقات خراب نہیں رکھنا چاہتے، دعا ہے پاکستان چیمپئنز ٹرافی جیتے۔

خواجہ آصف نے مزید کہا کہ طیب اردوان دوست اور بھائی ہیں اور ان کا پاکستان آنا خوش آئند ہے، حکومت کے معاشی اعشاریے بہتر ہو رہے ہیں۔