لاہور: وفاقی وزیر خزانہ محمد اورنگزیب نے کہا ہے کہ اللہ کا شکر ہے معاشی استحکام آ چکا ہے، ملکی معیشت ترقی کی جانب گامزن ہے۔

وزیر خزانہ محمد اورنگزیب نے میڈیا سے گفتگو کرتے ہوئے کہا کہ آج بہترین ایونٹ منعقد کیا ہے، لاہور میں یہ ایونٹ پہلی مرتبہ منعقد ہورہا ہے، ٹیم کے سارے دعائیب ہیں جم کر کھیلیں کھل کر کھیلیں۔

انہوں نے کہا کہ ڈفرینشی ایبل اور اسپیشلی ایبل ہمارے بچے ہیں ان کو سامنے آنا چاہیے، یہ تمام افراد بہت اہم ہیں اور پاکستان کا حصہ ہیں، ان کی نوکری سمیت دیگر معاملے پر کام کر رہے ہیں۔

محمد اورنگزیب نے کہا کہ اللہ کا شکر ہے کہ ملک میں معاشی استحکام ہے، کرنسی استحکام ہے، پالیسی ریٹ کم ہوا ہے، ہماری فاؤنڈیشن بن گئی ہے، سسٹین ایبل گروتھ پر جانا ہے۔

انکا کہنا تھا کہ اگلی سال بجٹ آئے گا، مختلف کاروباری لوگوں سے ملاقات کر رہے ہیں، ایف بی آر میں اصلاحات پر کام کر رہے ہیں

وفاقی وزیر نے کہا کہ رپورٹ پر انسانی مداخلت کی کمی پر کام کیا جس سے بہتری آئی، امید ہے کہ تنخواہ دار طبقہ پر بوجھ کم کیا جائے، اپنا اپنا کام کرنا پڑے گا۔

انہوں نے کہا کہ پاکستان کی تاریخ میں پہلی مرتبہ ٹیکس نظام میں بہتری آئی ہے، ریئل اسٹیشن میں بھی ٹیکس بہتری آئی ہے، سٹہ بازی ریئل اسٹیٹ میں نہیں چلنے دیں گے۔

محمد اورنگزیب نے کہا کہ تعمیراتی انڈسٹری کی سپورٹ کے لئے کام کر رہے ہیں، سعودیہ عرب، دبئی، واشنگٹن سے آیا ہوں سب سے ملاقات ہوئی اوورسیز میں کوئی ناعاضی نہیں۔

وزیر خزانہ نے مزید کہا کہ ملک 35 ملین تک ریمی ٹنسیز پہنچ چکی ہیں، روشن ڈیجیٹل اکاؤٹ میں پہلے سے زیادہ اضافہ ہوا ہے، ملک کو پرائیویٹ سیکٹر ہی آگے لے کر جائے گا۔