لاہور، شدید دھند کے باعث موٹر وے ایم 11 ٹریفک کیلیے بند

ویب ڈیسک

01st Feb, 2025. 07:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور، شدید دھند کے باعث موٹر وے ایم 11 ٹریفک کیلیے بند

لاہور سیالکوٹ موٹروے (ایم 11) کو شدید دھند کی شدت کے باعث ہر قسم کی ٹریفک کے لیے بند کر دیا گیا ہے۔

موٹروے پولیس کے ترجمان نے عوام کو آگاہ کرتے ہوئے کہا کہ دھند کے دوران سڑکوں پر سفر کرنا خطرناک ہو سکتا ہے، اس لیے عوام کی حفاظت کے پیش نظر موٹروے کو بند کر دیا گیا ہے۔

ترجمان نے مزید بتایا کہ دھند میں لین کی خلاف ورزی سے حادثات کا خدشہ بڑھ جاتا ہے، لہٰذا روڈ یوزرز سے اپیل کی گئی ہے کہ وہ دھند میں لین ڈسپلن کا بھرپور خیال رکھیں۔

موٹروے پولیس نے شہریوں کو مشورہ دیا ہے کہ وہ زیادہ سے زیادہ دن کے اوقات میں سفر کریں، جبکہ صبح 10 بجے سے شام 6 بجے تک دھند کے موسم میں بہترین سفری اوقات ہیں۔

ڈرائیور حضرات کو دھند کے دوران اپنی گاڑیوں میں آگے اور پیچھے دھند والی فوگ لائٹس کا استعمال کرنے کی ہدایت بھی دی گئی ہے۔

مزید برآں، عوام کو غیر ضروری سفر سے گریز کرنے اور تیز رفتاری سے پرہیز کرنے کی تنبیہ کی گئی ہے، اور اگلی گاڑی سے مناسب فاصلہ رکھنے کی بھی درخواست کی گئی ہے۔

موٹروے پولیس نے شہریوں کو معلومات اور مدد کے لیے ہیلپ لائن 130 سے رابطہ کرنے کی ہدایت بھی کی ہے۔