پاکستان اور ترکیہ کا حج اور عمرہ کی ادائیگی کے لئے تعاون بڑھانے پر اتفاق

فہد چوہدری

13th Feb, 2025. 05:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور ترکیہ کا حج اور عمرہ کی ادائیگی کے لئے تعاون بڑھانے پر اتفاق

اسلام آؓباد: پاکستان اور ترکیہ کے درمیان مذہبی امور اور مذہبی تعلیم کے فروغ کے لئے مفاہمتی یادداشت پر دستخط کردیے گئے۔

وفاقی وزیر مذہبی امور و بین المذاہب ہم آہنگی چوہدری سالک حسین اور ترکیہ کے مذہبی امور کے وزیر ڈاکٹر علی ارباش نے ایم او یو پر دستخط کیے۔

پاکستان اور ترکیہ مئ حج اور عمرہ کی ادائیگی کے لئے تعاون بڑھانے پر اتفاق کیا گیا جب کہ دونوں ممالک شدت پسندی، دہشت گردی اور فرقہ واریت کے چیلنجز سے نمٹنے کے لئے مشترکہ حکمت عملی بنائیں گے۔

پاکستان اور ترکیہ کے درمیان جدید عصری تعلیم کے فروغ کے لئے علماء کرام اور مدارس کے طلبا کے تبادلوں کو بڑھایا جائے گا۔

اماموں، خطیبوں اور مبلغین کی مہارتوں کو بہتر بنانے کے لیے تربیتی کورسز اور سیمینارز کا انعقاد کیا جائے گا تاکہ انہیں سائنسی، مذہبی اور ثقافتی طور پر اہل بنایا جاسکے۔

بین المذاہب ہم آہنگی اور عالمی امن کے فروغ اور عالم اسلام کو درپیش چیلنجز سے نمٹنے کے لئے دیگر مسلم ممالک کے ساتھ تعاون بڑھایا جائے گا۔

اسلامی ثقافت کو پھیلانے اور اعتدال پسندی کے تصور کو فروغ دینے کے لیے مسلم ممالک کے ساتھ مل کر اقدامات کیے جائیں گے۔

پاکستان اور ترکیہ کے درمیان اسلامی ورثے، ثقافت کو زندہ رکھنے اور محفوظ رکھنے کے لیے مطبوعات اور تحقیق کا تبادلہ کیا جائے گا۔