صارفین کیلئے بجلی فی یونٹ 2 روپے تک سستی ہونے کا امکان ہے۔
سینٹرل پرچیزنگ پاور ایجنسی کی درخواست پر نیپرا اتھارٹی آج سماعت کرے گی، درخواست جنوری کے ماہانہ فیول پرائس ایڈجسٹمنٹ کی مد میں دائر کی گئی ہے۔
درخواست کے مطابق ماہ جنوری میں 7 ارب 81 کروڑ بجلی یونٹ فروخت کی گئی، ہائیڈل سے 10.63 فیصد، مقامی کوئلے سے 15.56 فیصد بجلی پیدا کی گئی، جبکہ ماہ جنوری کے دوران امپورٹڈ کول سے بجلی کی پیداوار 8.53 فیصد رہی۔
درخواست میں بتایا گیا کہ ایک ماہ کے دوران فرنس آئل سے 1.33 فیصد بجلی کی پیداوار رہی، جبکہ ماہ جنوری کے دوران آر ایل این جی سے بجلی کی پیداوار 18.92 فیصد رہی۔
درخواست کے مطابق گزشتہ ماہ نیوکلیئر سے بجلی کی پیداوار 26.61 فیصد، ایران سے حاصل کردہ بجلی کی شرح 0.41 فیصد، ونڈ سے 2.67 فیصد، جبکہ بگاس سے پیداوار 1.67 فیصد رہی۔
Advertisement
اسی طرح ماہ جنوری کے درمیان سولر سے بجلی کی پیداوار کا حصہ 1.06 فیصد رہا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
