راولپنڈی: آرمی چیف جنرل عاصم منیر نے یونیورسٹی اور کالج کے طلباء سے خطاب میں ’پاکستانیت‘ کو اپنانے کی ضرورت پر زور دیا ہے۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر نے پاکستان بھر سے نوجوانوں کی نمائندگی کرنے والے یونیورسٹیز اور کالجز کے طلبہ سے خطاب کیا۔

جنرل عاصم منیر نے طلباء سے خطاب میں تعلیمی محنت اور ہنر سیکھنے کی اہمیت پر زور دیتے ہوئے پاکستان کو درپیش بیرونی خطرات اور خاص طور پر سرحد پار دہشت گردی پر بات کی۔

آرمی چیف نے نوجوانوں کی توانائی اور تخلیقی صلاحیتوں کی تعریف کی اور انہیں پاکستان کا مستقبل قرار دیتے ہوئے پاکستان آرمی کی ملک کی خودمختاری اور سالمیت کے تحفظ میں کردار کو سراہا۔

انہوں نے عوام کی دہشت گردی کے خلاف قربانیوں کو عزت دی اور افواج کے ساتھ ان کے تعاون کی تعریف کی۔ آرمی چیف نے نوجوانوں کی توانائی، تخلیقی صلاحیت اور اختراعی صلاحیتوں کی تعریف کی۔

پاکستان کی خودمختاری اور علاقائی سالمیت کے تحفظ کے لئے جنرل عاصم منیر نے پاک فوج کے کردار کو اجاگر کیا اور دہشت گردی کے خلاف قومی جدوجہد میں پاکستانی عوام کی قربانیوں کو خراج تحسین پیش کیا۔

علاوہ ازیں آرمی چیف نے مسلح افواج اور قانون نافذ کرنے والے اداروں کی ثابت قدمی اور تعاون کی تعریف کرتے ہوئے کا طلبہ پر ’پاکستانیت‘ کو اپنانے کی ضرورت پر زور دیا۔

آرمی چیف نے پاکستان کی تاریخ، ثقافت اور اقدار کی اہمیت کو نوجوانوں کے فکری ارتقاء کے لئے اہم قرار دیا ہے۔