افغانستان میں امن واستحکام پاکستان کے مفاد میں ہے، امیر مقام

ویب ڈیسک

16th Feb, 2025. 03:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان میں امن واستحکام پاکستان کے مفاد میں ہے، امیر مقام

کراچی: وفاقی وزیر انجینئر امیر مقام نے کہا ہے کہ افغانستان میں امن واستحکام پاکستان کے مفاد میں ہے۔

امیر مقام نے تقریب سے خطاب کرتے ہوئے کہا کہ افغان مہاجرین کی میزبانی کے لیے تعاون پر اقوام متحدہ کے مشکور ہیں، پاکستان افغان مہاجرین کی باوقار واپسی چاہتا ہے۔

انہوں نے کہا کہ پاکستان آج بھی لاکھوں افغان مہاجرین کی میزبانی کررہا ہے، دنیا بھر میں غیرقانونی باشندوں سے متعلق قوانین موجود ہیں، قانونی دستاویزات رکھنے والے کسی غیرملکی کو پریشان ہونے کی ضرورت نہیں۔

وفاقی وزیر نے کہا کہ عالمی برادری افغان مہاجرین سے متعلق اپنے وعدوں پر عمل کرے، افغان بھائیوں کے لیے پاکستانی عوام نے فراخدلی کا مظاہرہ کیا ہے، افغان سرزمین کا پاکستان مخالف سرگرمیوں کے لیے استعمال روکنا ہوگا۔

امیر مقام نے مزید کہا کہ افغانستان میں امن واستحکام پاکستان کے مفاد میں ہے، دہشتگردوں کو معصوم شہریوں کو نشانہ بنانے کی اجازت نہیں دی جاسکتی۔