پاکستان اس وقت نازک مراحل سے گزر رہا ہے، گورنر سندھ

ویب ڈیسک

11th Mar, 2025. 10:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پاکستان اس وقت نازک مراحل سے گزر رہا ہے، گورنر سندھ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

پاکستان اس وقت نازک مراحل سے گزر رہا ہے، گورنر سندھ

کراچی: گورنر سندھ کامران خان ٹیسوری نے کہا ہے کہ پاکستان اس وقت نازک مراحل سے گزر رہا ہے۔

گورنر کامران ٹیسوری لیاقت آباد بی ون ایریا پہنچے جہاں علاقہ مکینوں نے انکا والہانہ استقبال کیا۔

گورنر سندھ لوگوں میں گھل مل گئے، ان سے مسائل معلوم کیے، گورنر کامران ٹیسوری کو اپنے درمیان دیکھ کر لوگوں نے خوشگوار حیرت کا اظہار کیا، لوگوں نے ان کے ہمراہ سیلفیاں بھی بنوائیں۔

گورنر سندھ نے دسویں سحری جمعہ گجر نہاری ریسٹورنٹ لیاقت آباد پر علاقہ مکینوں کے ساتھ کی۔

گورنر سندھ کامران ٹیسوری نے میڈیا سے گفتگو کرتے ہوئے کہا کہ آج دسویں سحری لیاقت آباد مکینوں کے ہمراہ کر کے بہت مزا آیا، لوگوں کے درمیان رہ کر مجھے ان کے مسائل سے آگاہی ہوتی ہے، مایوسی کے بادل چھٹ رہے ہیں، پاکستان معاشی طور پر جلد اپنے پاؤں پر کھڑا ہو جائے گا۔

انہوں نے کہا کہ گورنر ہاؤس عوام کے لیے کھلا ہے، کوئی بھی مسئلہ ہو، عام شہری آسانی سے آ سکتا ہے، آپ کے دل کی آواز گورنر کی زبان پر ہے، اگر کوئی آپ کو تنگ کرے تو کہیے، گورنر میرا بھائی ہے۔

کامران ٹیسوری نے مزید کہا کہ کے الیکٹرک کے ایم ڈی کو ہدایت، لیاقت آباد میں لوڈشیڈنگ نہ ہو، پاکستان اس وقت نازک مراحل سے گزر رہا ہے، مخالف طاقتیں نہیں چاہتیں کہ پاکستان مضبوط ہو، ہمیں ثابت قدم رہنا ہے۔